హ్యూస్‌, జోన్స్‌కు నివాళిగా..

ఆస్ట్రేలియా దిగ్గజం డీన్‌ జోన్స్‌, మాజీ ప్లేయర్‌ ఫిల్‌ హ్యూస్‌కు నివాళిగా భారత్‌, ఆస్ట్రేలియా ప్లేయర్లు ఈ మ్యాచ్‌లో నల్ల ఆర్మ్‌బ్యాండ్లు ధరించారు. వారికి సంతాపంగా మ్యాచ్‌కు ముందు నిమిషం పాటు మౌనం పాటించారు. 2014లో జరిగిన షెఫీల్డ్‌షీల్డ్‌ మ్యాచ్‌లో బంతి తలకు బలంగా తగలడంతో మృతి చెందిన హ్యూస్‌ ఆరో వర్ధంతి సందర్భంగా ఇరు జట్లు అతడిని స్మరించుకున్నాయి. ఐపీఎల్‌ విధుల్లో ఉంటూ ఈ ఏడాది సెప్టెంబర్‌లో డీన్‌ జోన్స్‌ గుండెపోటుతో మరణించిన విషయం తెలిసిందే. అలాగే వర్ణ వివక్షకు వ్యతిరేకంగా మ్యాచ్‌కు ముందు ఇరు జట్ల ఆటగాళ్లు కాళ్లకు షూస్‌ లేకుండా నిలబడ్డారు.