Maruti Suzuki | అదరగొట్టిన మారుతి.. లాభాలు 47.8 శాతం వృద్ధి

కార్ల తయారీలో అగ్రగామి సంస్థయైన మారుతి సుజుకీ లాభాల్లో అదరగొట్టింది. మార్చితో ముగిసిన త్రైమాసికంలో రూ.3,877.8 కోట్ల నికర లాభాన్ని గడించింది. అంతకుముందు ఏడాది ఇదే త్రైమాసికంలో నమోదైన రూ.2,623.6 కోట్ల లాభంతో పోలిస్తే 47.8 శాతం వృద్ధి చెందడం విశేషం.

Maruti Suzuki | న్యూఢిల్లీ, ఏప్రిల్‌ 26: కార్ల తయారీలో అగ్రగామి సంస్థయైన మారుతి సుజుకీ లాభాల్లో అదరగొట్టింది. మార్చితో ముగిసిన త్రైమాసికంలో రూ.3,877.8 కోట్ల నికర లాభాన్ని గడించింది. అంతకుముందు ఏడాది ఇదే త్రైమాసికంలో నమోదైన రూ.2,623.6 కోట్ల లాభంతో పోలిస్తే 47.8 శాతం వృద్ధి చెందడం విశేషం. వాహన విక్రయాలు టాప్‌గేర్‌లో దూసుకుపోవడం, కమోడిటీ ఉత్పత్తుల ధరలు తగ్గడం వల్లనే లాభాలు పెరగడానికి దోహదం చేసినట్లు కంపెనీ వర్గాలు వెల్లడించాయి. గత త్రైమాసికంలో సంస్థ రూ.36,697.5 కోట్ల విక్రయాలు జరిపింది.

• 2023-24 ఆర్థిక సంవత్సరంలో తొలిసారిగా సంస్థ 20 లక్షల యూనిట్ల వాహనాలను విక్రయించింది.
• గడిచిన ఆర్థిక సంవత్సరం మొత్తానికి రూ.13,209.4 కోట్ల నికర లాభాన్ని గడించింది. అంతక్రితం ఏడాది వచ్చిన రూ.8,049.2 కోట్లతో పోలిస్తే 64 శాతం అధికం.
• వాహన విక్రయాలతో గతేడాది సంస్థకు రూ.1,34,937.8 కోట్ల ఆదాయం సమకూరింది. అంతక్రితం ఏడాది వచ్చిన రూ.1,12,500.8 కోట్లతో పోలిస్తే 19.9 శాతం అధికం.
• రూ.5 ముఖ విలువ కలిగిన షేరుకు రూ.125 డివిడెండ్‌ను బోర్డు ప్రకటించింది. 2022-23లో రూ.90 డివిడెండ్‌ను చెల్లించింది.