Best Methods | వాటర్‌ బాటిళ్లను చటుక్కున శుభ్రం చేయండిలా..!

ఎండాకాలం నీళ్లు ఎక్కువగా తాగుతాం. బాటిళ్ల వాడకమూ అధికం అవుతుంది. అయితే వాటిని ఎప్పటికప్పుడు శుభ్రం చేయడం చాలా ముఖ్యం. లేకపోతే వాసన వస్తాయి. దాంతో వాటిని పారేయాల్సిన పరిస్థితీ వస్తుంది.

Best Methods | ఎండాకాలం నీళ్లు ఎక్కువగా తాగుతాం. బాటిళ్ల వాడకమూ అధికం అవుతుంది. అయితే వాటిని ఎప్పటికప్పుడు శుభ్రం చేయడం చాలా ముఖ్యం. లేకపోతే వాసన వస్తాయి. దాంతో వాటిని పారేయాల్సిన పరిస్థితీ వస్తుంది. కాబట్టి, చటుక్కున వాటిని శుభ్రం చేసే పద్ధతులు తెలుసుకుంటే గబుక్కున పని పూర్తయిపోతుంది!

• టీ డికాషన్‌తో: వాటర్‌ బాటిళ్ల వాసన పోగొట్టాలంటే టీ, కాఫీ పౌడర్లు బాగా ఉపయోగపడతాయి. కాచి, చల్లార్చిన టీ డికాషన్‌ను వాటర్‌ బాటిల్‌లో పోసి బాగా గిలకొట్టాలి. తర్వాత సీసాను నీటితో కడిగేయాలి.
• నిమ్మ సాయం: నిమ్మకాయ చెడు వాసనకు చెక్‌ పెట్టేందుకు ఎంతో ఉపయోగపడుతుంది. బాటిల్‌లో నీళ్లు పోసి కొద్దిగా నిమ్మ రసాన్ని కలపాలి. ఇలా చేయడం వల్ల చెడువాసనతో పాటు బాటిల్‌లో ఉన్న బ్యాక్టీరియా తొలగిపోతుంది. జిడ్డు, వాసన పట్టిన గిన్నెలను కూడా ఇలా నిమ్మరసంతో శుభ్రం చేసుకోవచ్చు.
• ఉప్పు ఒప్పు: సీసాలను శుభ్రం చేసేందుకు సోడాఉప్పు సాయపడుతుంది. దీన్ని కొద్దిగా బాటిల్‌లో వేసి పూర్తిగా నీళ్లు నింపాలి. ఒక రోజు పూర్తిగా వదిలేసి తర్వాత రోజు కడిగేయాలి. ఇలా చేస్తే బాటిల్‌కు పట్టిన వాసన పోవడమే కాకుండా కొత్తదానిలా కనిపిస్తుంది.