KKR vs PBKS | ఐపీఎల్‌లో రికార్డ్ ఛేజింగ్.. చ‌రిత్ర సృష్టించిన పంజాబ్

KKR vs PBKS : ఐపీఎల్ 17వ సీజ‌న్‌లో రోజురోజుకు రికార్డులు బ‌ద్ద‌లైపోతున్నాయి. స‌న్‌రైజ‌ర్స్ హైద‌రాబాద్ (Sunrisers Hyderabad) జ‌ట్టు అత్య‌ధిక ప‌రుగుల‌తో చ‌రిత్ర సృష్టిస్తే.. రికార్డు ఛేద‌న‌లో పంజాబ్ కింగ్స్(Punjab Kings) కొత్త అధ్యాయం లిఖించింది. ఈడెన్ గార్సెన్స్‌లో కోల్‌క‌తా నిర్దేశించిన 262 ప‌రుగుల‌ కొండంత ల‌క్ష్యాన్ని సామ్ క‌ర‌న్ సేన ఉఫ్‌మంటూ ఉదేసింది.

KKR vs PBKS : ఐపీఎల్ 17వ సీజ‌న్‌లో రోజురోజుకు రికార్డులు బ‌ద్ద‌లైపోతున్నాయి. స‌న్‌రైజ‌ర్స్ హైద‌రాబాద్ (Sunrisers Hyderabad) జ‌ట్టు అత్య‌ధిక ప‌రుగుల‌తో చ‌రిత్ర సృష్టిస్తే.. రికార్డు ఛేద‌న‌లో పంజాబ్ కింగ్స్ (Punjab Kings) కొత్త అధ్యాయం లిఖించింది. ఈడెన్ గార్సెన్స్‌లో కోల్‌క‌తా నిర్దేశించిన 262 ప‌రుగుల‌ కొండంత ల‌క్ష్యాన్ని సామ్ క‌ర‌న్ సేన ఉఫ్‌మంటూ ఉదేసింది. ఓపెన‌ర్ జానీ బెయిర్‌స్టో(108 నాటౌట్) సెంచ‌రీతో చెల‌రేగి పోయాడు. శ‌శాంక్ సింగ్(68 నాటౌట్), ప్ర‌భ్‌సిమ్రాన్ సింగ్(54)లు అర్ధ శ‌త‌కాల‌తో విజృంభించారు. దాంతో, పంజాబ్ భారీ ల‌క్ష్యాన్ని 8 వికెట్ల తేడాతో ఛేదించింది. పంజాబ్ బ్యాట‌ర్ల ఊచ‌కోత‌తో కోల్‌క‌తాకు సొంత మైదానంలో వ‌రుస‌గా రెండో ఓట‌మి ఎదురైంది.

వ‌రుస‌గా నాలుగు ఓట‌ములు.. ప్లే ఆఫ్స్ ఆశ‌లు మిణుకుమిణుకు మంటున్న వేళ గెల‌వ‌క త‌ప్ప‌ని మ్యాచ్‌లో పంజాబ్ బ్యాట‌ర్లు కొద‌మ సింహాల్లా విరుచుకుప‌డ్డారు ఇంప్యాక్ట్ ప్లేయ‌ర్‌గా వ‌చ్చిన ఓపెన‌ర్ ప్ర‌భ్‌సిమ్రాన్ సింగ్(54), జానీ బెయిర్‌స్టో(108 నాటౌట్‌)లు ఆకాశ‌మే హ‌ద్దుగా ఆడారు. సునీల్ న‌రైన్ ఓవ‌ర్లో వ‌రుస‌గా ఫోర్, సిక్స‌ర్‌తో హాఫ్ సెంచ‌రీకి చేరువ‌య్యాడు. 18 బంతుల్లోనే అర్ధ శ‌త‌కం సాధించిన అత‌డు ర‌నౌట్‌గా వెనుదిరిగాడు. ప్ర‌భ్‌సిమ్రాన్‌ను ర‌నౌట్ చేశాన‌నే బాధ‌.. జ‌ట్టును గెలిపించాల‌నే క‌సితో బెయిర్‌స్టో త‌న విధ్వంసాన్ని చూపించాడు. చ‌క్ర‌వ‌ర్తి, న‌రైన్, ర‌స్సెల్ బౌలింగ్‌లో సిక్స‌ర్ల మోత‌తో హాఫ్ సెంచ‌రీ సాధించాడు.

Clean Hitting to the fullest, ft Shashank Singh 😎

This match has now breached the Highest Number of Sixes Hit in a T20 Match 👏

Watch the match LIVE on @StarSportsIndia and @JioCinema 💻📱#TATAIPL | #KKRvPBKS pic.twitter.com/3HPN6DLnPl

— IndianPremierLeague (@IPL) April 26, 2024

45 బంతుల్లోనే.. 

రెండో వికెట్‌కు రీసే ర‌స్సో(26)తో 85 ర‌న్స్ జోడించి కోల్‌క‌తాను ఒత్తిడిలోకి నెట్టాడు. ఆ త‌ర్వాత వ‌చ్చిన శ‌శాంక్ సింగ్(68 నాటౌట్‌).. పంజాబ్‌ను పోటీలో నిలిపాడు. ఈ సీజ‌న్‌లో తొలిసారి బ్యాట్ ఝులిపించిన బెయిర్‌స్టో కేవ‌లం 45 బంతుల్లోనే 8 ఫోర్లు, 8 సిక్స‌ర్ల‌తో సెంచ‌రీ బాదాడు.

That second 1️⃣0️⃣0️⃣ feeling 🫡

Appreciations from the dugout says it all 👏👏

Follow the Match ▶️ https://t.co/T9DxmbgIWu#TATAIPL | #KKRvPBKS | @PunjabKingsIPL pic.twitter.com/6yGynIZUut

— IndianPremierLeague (@IPL) April 26, 2024

అక్క‌డితో చార్జ్ తీసుకున్న శ‌శాంక్ సిక్స‌ర్ల‌తో హెరెత్తించాడు. చ‌మీర‌, హ‌ర్షిత్ రానాల బౌలింగ్‌ల‌ను తుత్తునియ‌లు చేస్తూ హాఫ్ సెంచ‌రీ సాధించాడు. దాంతో, 18 ఓవ‌ర్ల‌కు పంజాబ్ స్కోర్ 250 దాటేసింది. విజ‌యానికి 9 ర‌న్స్ అవ‌స‌ర‌మైన ద‌శ‌లో శ‌శాంక్ .. ర‌మ‌న్‌దీప్ సింగ్ ఓవ‌ర్లో సిక్స‌ర్ బాదాడు. ఆ త‌ర్వాత సింగిల్ తీసి పంజాబ్‌కు చిర‌స్మ‌ర‌ణీయ విజ‌యాన్ని అందించాడు.

సాల్ట్, న‌రైన్ అర్ధ శ‌త‌కాల‌తో..

ప‌దిహేడో సీజ‌న్‌లో జోరుమీదున్న‌ కోల్‌క‌తా నైట్ రైడ‌ర్స్ బ్యాట‌ర్లు మ‌రోసారి శివాలెత్తిపోయారు. సొంత‌మైదానంలో పంజాబ్ కింగ్స్ బౌలర్ల‌ను ఉతికేస్తూ బౌండ‌రీల వ‌ర్షం కురిపించారు. ఓపెన‌ర్లు ఫిలిప్ సాల్ట్(75), సునీల్ న‌రైన్(71) అర్ధ శ‌త‌కాల‌తో చెల‌రేగి గ‌ట్టి పునాది వేశారు. వీళ్లిద్ద‌రూ తొలి వికెట్‌కు 138 ర‌న్స్ జోడించగా.. చివ‌ర్లో కెప్టెన్ శ్రేయ‌స్ అయ్య‌ర్(28) వీర‌విహారం చేశాడు. వెంక‌టేశ్ అయ్య‌ర్‌(37 నాటౌట్‌)తో క‌లిసి ఈడెన్స్‌లో బౌండ‌రీల మోత మోగించాడు. సామ్ క‌ర‌న్ వేసిన 18వ‌ ఓవ‌ర్లో వ‌రుస‌గా 6, 4, 6, 6 బాదేశాడు. వెంక‌టేశ్‌తో క‌లిసి నాలుగో వికెట్‌కు 43 ర‌న్స్ జోడించారు. దాంతో, కోల్‌క‌తా 6 వికెట్ల 261 ర‌న్స్ చేయ‌గ‌లిగింది.

సాల్ట్(75), సునీల్ న‌రైన్(71)