Watch| పులి, ఎలుగుబంటి మధ్య అరుదైన ఘర్షణ.. వీడియో వైరల్‌

Confrontation Between Tigress, Bear | సాధారణంగా పులి, ఎలుగుబంటి మధ్య ఎలాంటి సంఘర్షణ జరుగదు. అయితే ఈ రెండు ఎదురుపడినప్పుడు జరిగిన అరుదైన ఘర్షణకు సంబంధించి వీడియో క్లిప్ సోషల్‌ మీడియాలో వైరల్‌ అయ్యింది.

లక్నో: సాధారణంగా పులి, ఎలుగుబంటి మధ్య ఎలాంటి సంఘర్షణ జరుగదు. అయితే ఈ రెండు ఎదురుపడినప్పుడు జరిగిన అరుదైన ఘర్షణకు సంబంధించి వీడియో క్లిప్ సోషల్‌ మీడియాలో వైరల్‌ అయ్యింది. (Confrontation Between Tigress, Bear) ఉత్తర ప్రదేశ్‌లోని పిలిభిత్ టైగర్ రిజర్వ్‌లో ఈ సంఘటన జరిగింది. అటవీ ప్రాంతంలోని దారి మార్గంలో ఒక పులి షికారు చేస్తున్నది. సఫారీ వాహనంలో ఉన్న పర్యాటకులు ఆ పులిని ఆసక్తిగా చూశారు.

కాగా, ఒక ఎలుగుబంటి పొదల్లోంచి బయటకు వచ్చింది. పులి ముందు నుంచి దారి మార్గాన్ని దాటి వెళ్లింది. ఎలుగుబంటి వెళ్లిన పొదల వైపు పులి తొంగి చూసింది. ఆ తర్వాత పక్కకు వెళ్లింది. అయితే తిరిగి వెనక్కి వచ్చిన ఎలుగుబంటి ఉన్నట్టుండి దాడి కోసం పులి మీదకు వెళ్లింది. ఈ ఘర్షణను ఊహించని పులి ఏమాత్రం బెదరలేదు. అంతే ఠీవిగా నిల్చొని ఉంది. అనంతరం ఎలుగుబంటి తిరిగి పొదల్లోకి వెళ్లిపోయింది.

మరోవైపు రిటైర్డ్ ఐఏఎస్‌ అధికారి డాక్టర్ రవి గుప్తా ఈ వీడియో క్లిప్‌ను ఎక్స్‌లో షేర్ చేశారు. పులి, ఎలుగుబంటి మధ్య అరుదైన ఘర్షణ దృశ్యమని పేర్కొన్నారు. ఎలుగుబంటి భయంతో దాడికి ప్రయత్నించినప్పటికీ బెదరని పులి ప్రశాంతత కోల్పోలేదని తెలిపారు. ‘మానవులకు ప్రకృతి ఎన్నో పాఠాలు నేర్పుతుంది’ అని శీర్షిక ఇచ్చారు. ఈ వీడియో క్లిప్‌ సోషల్‌ మీడియాలో వైరల్‌ అయ్యింది.

https://twitter.com/drrajivguptaias/status/1785129997541478689?ref_src=twsrc%5Etfw%7Ctwcamp%5Etweetembed%7Ctwterm%5E1785129997541478689%7Ctwgr%5Ea4885ba15e256c52a590b19438bd4a7dee850039%7Ctwcon%5Es1_c10&ref_url=https%3A%2F%2Fwww.ndtv.com%2Findia-news%2Fon-camera-rarest-of-the-rare-confrontation-between-tigress-bear-pilibhit-tiger-reserve-5601356