Corona Vaccine | అన్ని కరోనా వైరస్‌లకు ఒకే వ్యాక్సిన్‌!

అన్ని రకాల కరోనా వైరస్‌ల నుంచి రక్షణ కల్పించే ఆల్‌ ఇన్‌ వన్‌ వ్యాక్సిన్‌ శాస్త్రవేత్తలు అభివృద్ధి చేశారు. ప్రపంచవ్యాప్తంగా ప్రఖ్యాత యూనివర్సిటీలకు చెందిన పరిశోధకుల బృందం దీనిని అభివృద్ధి చేసింది.

Corona Vaccine | లండన్‌, మే 6: అన్ని రకాల కరోనా వైరస్‌ల నుంచి రక్షణ కల్పించే ఆల్‌ ఇన్‌ వన్‌ వ్యాక్సిన్‌ శాస్త్రవేత్తలు అభివృద్ధి చేశారు. ప్రపంచవ్యాప్తంగా ప్రఖ్యాత యూనివర్సిటీలకు చెందిన పరిశోధకుల బృందం దీనిని అభివృద్ధి చేసింది. భవిష్యత్తులో పుట్టుకొచ్చే కొత్త కరోనా వైరస్‌లను సైతం ఈ టీకా ఎదుర్కొనగలదని వారు వెల్లడించారు.

‘ప్రోయాక్టివ్‌ వ్యాక్సినాలజీ’ అనే కొత్త విధానం ద్వారా సైంటిస్టులు ఈ టీకాను అభివృద్ధి చేశారు. ఎలుకలపై జరిపిన ప్రయోగాల్లో మంచి ఫలితాలు వచ్చినట్టు వారు తెలిపారు. కొవిడ్‌ 19ను కలుగజేసే సార్స్‌కోవ్‌2తోపాటు ప్రస్తుతం గబ్బిలాల్లో వ్యాప్తి చెందుతున్న కరోనావైరస్‌లలోని నిర్దిష్ట ప్రాంతాల్ని రోగ నిరోధక శక్తి గుర్తించగలిగేలా ఈ కొత్త వ్యాక్సిన్‌ పనిచేస్తుంది.