పుట్టగానే శిశువు ఏడవటం అనేది ఏ వికాస నియమం?

పుట్టగానే శిశువు ఏడవటం అనేది ఏ వికాస నియమం

1. ప్రారంభంలో శిశువు వర్ణమాల చార్టు మీద ‘అ, ల, ట, త’ లాంటి అక్షరాలను ఒకేలా పోల్చి చూసుకునే కాలగమనంలో అవి వేర్వేరు అని గమనించాడు. ఇది ఏ వికాస నియమం?

1) వికాసం జఠిలం నుంచి సరళానికి ప్రయాణం
2) వికాసం సాధారణం నుంచి నిర్దిష్టానికి ప్రయాణం
3) వికాసం నేర్చుకుంటే వృద్ధి చెందుతుంది
4) వికాసం ప్రాగుక్తీకరణం

2. పూర్వ బాల్య దశలో ఎంతో చురుకుగా ఆడుకునే శిశువు వృద్ధాప్య దశలో చైతన్య విహీనుడు అవుతున్నాడు. ఇది ఏ వికాస నియమం?

1) వికాసంలో వైయక్తిక భేదాలు ఉంటాయి
2) వికాసం నిరంతరం కొనసాగుతుంది
3) లయ వికాస నియమం
4) కచ్చితమైన దిశగా వికాసం కొనసాగుతుంది

3. ఎంఏ తెలుగు చదువుతున్న ఒక విద్యార్థి మిగిలిన విద్యార్థుల కంటే వేగంగా పద్యాల్లోని ఛందస్సును గమనిస్తున్నాడు. దీనికి గాను 10వ తరగతిలో అతడి తెలుగు మాస్టారు చేయించిన సాధనే కారణం. దీనిలో దాగిన వికాస నియమం?

1) వికాసం కచ్చిత నమూనాను పాటిస్తుంది
2) ఇది ఒక పరస్పర చర్య
3) సెకండరీ వికాస నియమం
4) వికాసం సంచితమైనది

4. శిశువులో పెద్ద కండరాలపై మొదట అదుపు ఏర్పడి క్రమంగా చేతి, వేలి కండరాల లాంటి చిన్న కండరాలపై అదుపు వస్తుంది. ఇది ఏ వికాస నియమం?

1) వికాసం కచ్చిత దిశగా ప్రయాణిస్తుంది
2) నిర్ధిష్టం వైపు వికాసం ప్రయాణిస్తుంది
3) సాధారణం వైపు వికాసం ప్రయాణిస్తుంది
4) వికాస ప్రకటనలో వైయక్తిక భేదాలుంటాయి

5. సిగ్గు, వ్యాకులత అనే ఈ ఉద్వేగాలు 5వ సంవత్సరంలో హఠాత్తుగా వచ్చినట్లు అనిపిస్తాయి. అయితే అవి అంతకుముందు 6వ నెలలోనే ఏర్పడిన భయం అనే ఉద్వేగంలో అంతర్గతంగా ఉంటాయి, ఇది ఏ వికాస నియమం?

1) వికాసం పరస్పర చర్య
2) వికాసాలు పరస్పర సంబంధం
3) వికాసం సంచితం
4) వికాసం ప్రాగుక్తీకరణం

6. ఉత్తేజంతో ప్రారంభమైన ఉద్వేగ వికాసం జీవిత కాలం పాటు వివిధ రకాలుగా ప్రకటించబడుతూనే ఉంటుంది. ఇది ఏ నియమం?

1) వికాసం సాధారణం నుంచి నిర్దిష్టం
2) జఠిలం నుంచి సరళం
3) అన్ని దశల్లో ఒకేలా ఉండదు
4) వికాసం అవిరళమైనది

7. ‘వికాసం నిరంతరం కొనసాగుతూనే ఉంటుంది’ అనే మాటను ఎలా చెప్పవచ్చు?

1) వికాసం క్రమానుగతం
2) వికాసం పరస్పర చర్య
3) వికాసం ప్రాగుక్తీకరణం
4) వికాసం అవిరళం లేదా అవిచ్ఛిన్నం

8. ప్రస్తుత స్థితిని బట్టి భవిష్యత్తులో జరిగే వికాస వేగాన్ని అంచనా వేయడం?

1) వికాసం ప్రాగుక్తీకరణ
2) వికాసం సంచితం
3) వికాసం నిర్దిష్ట పోకడలు పాటిస్తుంది
4) కచ్చిత నమూనాను పాటిస్తుంది

9. ప్రస్తుత వికాస లక్షణాలు గత అనుభవాల నుంచి పొందినవి?

1) వికాసం ప్రాగుక్తీకరణం
2) వికాసం సంచితం
3) నిర్దిష్ట పోకడలను పాటిస్తుంది
4) వికాసం కచ్చిత నమూనాను పాటిస్తుంది

10. సహజ సామర్థ్యం అంటే పుట్టుకతో ఉన్న సామర్థ్యం శిక్షణ వల్ల వృద్ధి చెందడం దేన్ని తెలిపే వికాస నియమం?

1) వికాసం పరస్పర చర్య
2) వికాసాలు పరస్పర ఆధారితాలు (పరస్పర సంబంధం)
3) వికాసం క్రమానుగతం
4) వికాసం ప్రాగుక్తీకరణం

11. జన్యు కారణాల వల్ల మెదడు పెరుగుదలలో జరిగిన వైఫల్యం వల్ల ఆలోచనా శక్తి తగ్గడమే కాకుండా ఉద్వేగ ప్రకటనలో కూడా అసమతుల్యత చూపిస్తున్నాడు. ఇది ఏ వికాస నియమం?

1) వికాసంపై అనువంశికత, పరిసరాల ప్రభావం
2) వికాసాలు పరస్పర సంబంధం
3) వికాసం అవిచ్ఛిన్నం
4) లయ వికాసం నియమం

12. ‘లోకో భిన్నరుచి’ అనే సామెత ప్రకారం అలవాట్లు, అభిరుచులు అనేవి వ్యక్తిగతం.. ఇది?

1) వికాసంలో వ్యక్తిగత భేదాలు ఉంటాయి
2) వైయక్తిక సామర్థ్యాలు
3) పరస్పర వికాస భేదాలు
4) సంచిత వికాస ప్రక్రియ

13. ‘పాడుతా తీయగా’ కార్యక్రమానికి 6 సం.ల వయస్సులోనే పాల్గొన్న ఒక బాలిక (పరిపక్వత లేని) స్వరపరిణతి లేనప్పటికీ స్వర విచక్షణను గమనించి భవిష్యత్తులో గొప్ప గాయనిగా మారతావు’ అని బాలు పొగడటం అనేది?

1) వికాసం పరికల్పనం
2) వికాసం ప్రాగుక్తీకరణం
3) వికాసం అనిశ్చితం
4) వికాసం అసాధారణం

14. తొలి దశలో అంకె భావన, సంఖ్య భావన మాత్రమే తెలిసిన శిశువు ఉన్నత చదువు చేరేసరికి గణిత సిద్ధాంతాలను నిరూపించడం అనేది?

1) సాధారణం నుంచి నిర్దిష్టం
2) సంచితం నుంచి అసంచితం
3) ప్రత్యేకం నుంచి సాధారణం
4) సరళం నుంచి సంక్లిష్టం

15. ప్రారంభంలో స్వర్ణకారుడు అసలు, నకిలీ (బంగారాన్ని) జాతి రత్నాలను గుర్తించలేకపోయాడు. వాటికి గల విశిష్ట లక్షణాలను బట్టి అనుభవంతో తెలుసుకున్నాడు.. ఇది ?

1) వికాసం సాధారణ వైపు ప్రయాణిస్తుంది
2) వికాసం జఠిలం వైపు ప్రయాణిస్తుంది
3) వికాసం నిర్ధిష్టం వైపు ప్రయాణిస్తుంది
4) వికాసం సరళం వైపు ప్రయాణిస్తుంది

16. సంగీ స్వరాలు అయిన ‘స-రి-గ-మ-ప-ద-ని-స’లను ఆరోహణ క్రమంలో స్వరస్థాయిని పెంచుతూ నేర్చుకోవడం అనేది కింది ఏ నియమం?

1) వికాసం కచ్చిత దిశ పాటిస్తుంది
2) వికాసం కచ్చిత నమూనాను పాటిస్తుంది
3) సుచిత నియమాన్ని పాటిస్తుంది
4) నిర్దిష్టం వైపు ప్రయాణిస్తుంది

17. కింది వాటిలో వైయక్తిక భేదాలను బలపరచని ఉదాహరణ, ఈ వికాసంలో వైయక్తిక భేదాలు ఉంటాయి’ అనే నియమాన్ని బలపరచని ఉదాహరణ?

1) త్రికోణమితి పాఠ్యాంశాన్ని ఇద్దరు ఉపాధ్యాయులు భిన్న విధానాలతో బోధించటం
2) 10వ తరగతిలో త్రికోణమితిపై సాధించిన పట్టు కంటే ఇంటర్‌ విద్యలో ఎక్కువ మెలకువలు నేర్చుకోవడం
3) పోటీ పరీక్షల్లో త్రికోణమితిపై వచ్చిన ప్రశ్నలకు ఇద్దరు విద్యార్థులు భిన్న విధానాల్లో సమాధానాలు సాధించటం
4) ఇద్దరు విద్యార్థుల్లో ఒకరికి గణితం, మరొకరికి ఫిజిక్స్‌పై ఇష్టం ఏర్పడటం

18. కింది వాటిలో సరికాని వాక్యం?

1) తల్లి గర్భంలో శిశువులో జరిగే పెరుగుదల శిరోపాదాభిముఖం (మొదట తల ఏర్పడటం)
2) అంగుళీ నైపుణ్యాలు వృద్ధి చెందడం ‘సమీప దూరస్థ నియమం’
3) అన్ని మొక్కలు ఒకేలా కనిపించినా ఔషధ మొక్కకు కలుపు మొక్కకు తేడాను గుర్తించటం ‘సాధారణం నుంచి నిర్దిష్ట నియమం’
4) భవిష్యత్తులో జరగబోయేదాని నుంచి గత అనుభవాన్ని గుర్తించేదే సంచిత నియమం

19. వికాసం కచ్చిత నమూనాకు సంబంధించని వాక్యం?

1) ప్రాక్‌ భాష, ముద్దు పలుకుల తర్వాతే అర్థవంత పదాలు వినియోగించటం
2) సంకలనం, వ్యవకలనం రావాలంటే అంకె భావన, సంఖ్య భావన తెలవాల్సిందే
3) కొత్త దంతాల ఆవిర్భావం పాత దంతాల స్థానంలో జరగటం
4) చతురస్రం గీసే శిశువు దానికంటే ముందుగా వృత్తం, త్రిభుజాలను గీయడం నేర్వాల్సిందే

20. పుట్టగానే శిశువు ఏడవటం అనేది ఏ వికాస నియమం?

1) వికాసం అవిచ్ఛిన్నం
2) వికాసం క్రమానుగతం
3) వికాసం కచ్చిత దిశగా సాగుతుంది
4) ఇది ఒక సహజాత ప్రక్రియ