America | 66 వేల మంది భారతీయులకు అమెరికా పౌరసత్వం

అమెరికా పౌరసత్వాన్ని పొందడంలో మెక్సికన్ల తర్వాత భారతీయులు రెండో స్థానంలో నిలిచారు.

America | వాషింగ్టన్‌, ఏప్రిల్‌ 22: అమెరికా పౌరసత్వాన్ని పొందడంలో మెక్సికన్ల తర్వాత భారతీయులు రెండో స్థానంలో నిలిచారు. 2022లో మొత్తం 65,960 మంది భారతీయులు అధికారికంగా అమెరికా పౌరసత్వాన్ని పొందినట్టు ఇండిపెండెంట్‌ కాంగ్రెషనల్‌ రిసెర్చ్‌ సర్వీస్‌ (సీఆర్‌ఎస్‌) ఈ నెల 15న విడుదల చేసిన నివేదిక వెల్లడించింది.

2022 నాటికి అమెరికాలో 4.6 కోట్ల మంది విదేశీయులు నివసిస్తున్నారు. ఈ సంఖ్య అమెరికాలోని మొత్తం 33.3 కోట్ల జనాభాలో దాదాపు 14 శాతానికి సమానం. వీరిలో 2.45 కోట్ల మంది (53% మంది) అధికారికంగా అమెరికా పౌరులైనట్టు తమ స్థితిని నివేదించారు.