Mrunal Thakur | రెమ్యునరేషన్‌ పెంచేసిన సీతారామం బ్యూటీ.. నాని సినిమాకు భారీ డిమాండ్‌..!

సీరియల్‌ నటిగా కెరీర్‌ ప్రారంభించి 'విట్టి దండు' అనే మరాఠి చిత్రంతో సినిమాల్లోకి ఎంట్రీ ఇచ్చింది మృణాళ్‌ ఠాకూర్‌. ఆ తర్వాత వరుసగా బాలీవుడ్‌ సినిమాలు చేస్తూ నటిగా మంచి గుర్తింపు తెచ్చుకుంది. ఇక గతేడాది 'సీతారామం'తో తెలుగులోకి ఎంట్రీ ఇచ్చింది ఈ మరాఠి బ్యూటీ.

Mrunal Thakur Remuneration | సీరియల్‌ నటిగా కెరీర్‌ ప్రారంభించి ‘విట్టి దండు’ అనే మరాఠి చిత్రంతో సినిమాల్లోకి ఎంట్రీ ఇచ్చింది మృణాళ్‌ ఠాకూర్‌. ఆ తర్వాత వరుసగా బాలీవుడ్‌ సినిమాలు చేస్తూ నటిగా మంచి గుర్తింపు తెచ్చుకుంది. ఇక గతేడాది ‘సీతారామం’తో తెలుగులోకి ఎంట్రీ ఇచ్చింది ఈ మరాఠి బ్యూటీ. మొదటి సినిమాతోనే ఇండస్ట్రీని తనవైపు తిప్పుకుంది. తన నటన, అభినయంతో తెలుగు ప్రేక్షకులను కట్టిపడేసింది. ఈ సినిమా భారీ విజయం సాధించడంతో తెలుగులో ఆమెకు అవకాశాలు క్యూ కట్టాయి. కానీ మృణాళ్‌ మాత్రం గ్లామర్‌ పాత్రలు కాకుండా నటన ప్రాధాన్యమున్న పాత్రలు ఎంచుకుంటుందట.

తాజాగా ఈ బ్యూటీ నాని తదుపరి సినిమాలో హీరోయిన్‌గా ఎంపికైంది. ఈ సినిమాలో నానికి భార్యగా మృణాళ్‌ కనిపించనుంది. ఇదిలా ఉంటే తాజాగా ఈ అమ్మడు రెమ్యునరేషన్‌కు సంబంధించిన ఓ వార్త నెట్టింట వైరల్‌గా మారింది. సీతారామంకు రూ.80లక్షలు తీసుకున్న ఈ బ్యూటీ నాని సినిమాకు కోటీ రూపాయిలు డిమాండ్‌ చేసిందట. దానికి నిర్మాతలకు కూడా ఒకే చెప్పారట. దీపం ఉండగానే ఇల్లు చక్కదిద్దుకోవాలి అనే సామేతను ఈ అమ్మడు గట్టిగా ఫాలో అవుతుంది. ప్రస్తుతం ఈ బ్యూటీ నాలుగు సినిమాలలో నటిస్తుంది. అందులో రెండు షూటింగ్‌ పూర్తి చేసుకోగా.. మరో రెండు షూటింగ్‌ దశలో ఉన్నాయి.