Visit:
పాల్గర్: మైనర్ బాలుడిని లైంగికంగా వేధించిన కేసులో ఓ నిందితుడికి 20 ఏళ్ల జైలు శిక్ష(Rigorous Imprisonment) పడింది. మహారాష్ట్రలోని పాల్గర్ కోర్టు ఆ తీర్పును ఇచ్చింది. డిఫెన్స్ చేసిన వాదనలను కోర్టు కొట్టిపారేసింది. జన సాంద్రత ఉన్న ప్రదేశంలో ఇలాంటివి జరగవని వాదించినా.. కోర్టు మాత్రం ఆ అభిప్రాయాలను తిరస్కరించింది. బాధితుడి వాంగ్మూలాన్ని తీసివేయలేమని కోర్టు చెప్పింది. స్పెషల్ జడ్జీ ఏహెచ్ కషికార్ తీర్పును ఇస్తూ 41 ఏళ్ల మధు ధర్మ గోవారిని నిందితుడిగా తేల్చాఉ.పాల్గర్ జిల్లాలోని వసాయికి చెందిన అతనిపై ఐపీసీ, పోక్సో చట్టం కింద కేసు బుక్ చేశారు. లైంగిక దాడి జరిగిన సమయంలో బాలుడి వయసు 14 ఏళ్లు మాత్రమే. 2020 డిసెంబర్ 12వ తేదీన ఈ ఘటన జరిగింది. ఆ రోజున ఇంటిపై పావురాలకు దానా వేస్తున్న సమయంలో పక్కింటిలో ఉన్న నిందితుడు ఆ చిన్నారిని బలవంతంగా రూమ్లోకి తీసుకెళ్లాడు. చేతులు కట్టేసి, లైంగికంగా వేధించాడు.కానీ చివరకు ఆ బాలుడు అక్కడ నుంచి పారిపోయాడు. జరిగిన సంఘటన గురించి ఇంట్లో వాళ్లకు చెప్పడంతో.. పోలీసులకు తెలియజేశారు. దీంతో ఎఫ్ఐఆర్ నమోదు చేసి విచారణ చేపట్టారు. పోక్సో చట్టం కింద నిందితుడికి 20 ఏళ్ల కఠిన శిక్ష విధించారు. ఐపీసీలోని 377 సెక్షన్ ప్రకారం పదేళ్ల జైలుశిక్ష పడింది. 30 వేల ఫైన్ వేశారు. ఆ అమౌంట్ను బాధితుడికి ఇవ్వాలని ఆదేశించారు. రూల్స్ ప్రకారం బాధితుడికి మరింత ఆర్థిక సాయం చేయాలని స్థానిక అధికారులను కోర్టు ఆదేశించింది.
