చుట్టుపక్కల వాళ్లు ఎగతాళి చేశారు.. బరువులెత్తే ఆటలతో ఏం సాధిస్తావని చిన్నచూపు చూశారు!
గోవాలో జరిగిన వరల్డ్ పవర్ లిఫ్టింగ్ కాంగ్రెస్ (డబ్ల్యూపీసీ) నేషనల్ డెడ్ లిఫ్ట్ చాంపియన్షిప్ పోటీల్లో పాల్గొని టాప్ 7లో నిలిచాను. కానీ, మెడల్ మాత్రం దక్కలేదు. చాలా నిరాశతో వెనుదిరిగాను. చుట్టుపక్కల వాళ్లు ఎగతాళి చేశారు. బరువులెత్తే ఆటలు ఆడి ఏం సాధిస్తావని చిన్నచూపు చూశారు. అయినా అమ్మానాన్న తోడుగా నిలిచారు. మరోసారి ప్రయత్నించమని భుజం తట్టారు.
పవర్ఫుల్ విక్టరీ
కఠోర శ్రమ, పట్టుదల ఉంటే మన కలలను సాకారం చేసుకోవచ్చని నిరూపించాడు 26 ఏండ్ల యువకుడు. తనలోని క్రీడాసక్తికి రూపమిచ్చి జాతీయ స్థాయి పవర్లిఫ్టర్గా పతకం సాధించి తన పవరేంటో చూపించాడు. గెలుపు ప్రయాణంలో ఎన్ని ఒడుదొడుకులు ఎదురైనా వెనక్కి తగ్గకుండా ముందుకు సాగుతూ విజయాన్ని ముద్దాడిన ఇంద్రపాటి శ్యామ్సుందర్ విజయగాథ ఇది. వరల్డ్ పవర్ లిఫ్టింగ్ కాంగ్రెస్ (డబ్ల్యూపీసీ) నేషనల్ డెడ్లిఫ్ట్ చాంపియన్షిప్లో ఈ తెలంగాణ పవర్లిఫ్టర్ రెండు పతకాలు సాధించి ఔరా అనిపించాడు. ఈ సందర్భంగా తన ప్రయాణాన్ని బతుకుమ్మతో పంచున్నాడు. ఆ విశేషాలు తన మాటల్లోనే…
మాది రంగారెడ్డి జిల్లాలోని గగన్పహాడ్. నాన్న ప్రైవేట్ ఉద్యోగి. అమ్మ గృహిణి. అమ్మానాన్నలకు చదువంటే ఇష్టం. దాంతో నన్ను రెండో క్లాస్లోనే ఓ ప్రైవేట్ స్కూల్లో వేసి హాస్టల్లో ఉంచి చదివించారు. నాకేమో చదువుతోపాటు ఆటలంటే ఇష్టం. కానీ, అక్కడ క్రీడలకంటే చదువుకే ప్రాధాన్యం ఉండేది. దాంతో నా క్రీడాసక్తి తగ్గిపోయింది. ఎన్సీసీలో చేరాలనుకున్న నా కోరికనూ వదులుకున్నాను. చదువులో ముందుండేవాణ్ని. చిన్నపుప్పడు కాస్త బక్క పల్చగా ఉండేది. శరీర దారుఢ్యం కోసం తొమ్మిదో తరగతి నుంచి సెలవులు వచ్చినప్పుడల్లా మా పెద్దమ్మ కొడుకుతో కలిసి జిమ్కు వెళ్తుండేవాణ్ని. అక్కడ రకరకాల పరికరాలుండేవి. అవి బరువుగా ఉన్నా వాటిని ఎత్తాలని ప్రయత్నించేవాణ్ని. అలా జిమ్లోకి ఎంట్రీ ఇచ్చాను.

Parents
అలా మారింది
నేను జిమ్కు వెళ్లడం చూసిన నాన్న నా ఆసక్తిని గమనించాడు. ఓ రోజు వెయిట్ లిఫ్టింగ్ కాంపిటీషన్ గురించి చెప్పి ప్రిపేర్ అవ్వమని కోచ్ దగ్గరకి పంపాడు. అప్పుడు నేను డిగ్రీ ఫస్ట్ ఇయర్లో ఉన్నాను. ఇక ఆయన ప్రోత్సాహంతో కాలేజీ అయిపోగానే సాయంత్రం పూట ఎల్బీ స్టేడియంలో శిక్షణ తీసుకోవడం మొదలుపెట్టాను. ఆ ఏడాది వెయిట్ లిఫ్టింగ్లో ప్రాక్టిస్ చేస్తూనే మరోవైపు యూనివర్సిటీ, జిల్లా, రాష్ట్ర స్థాయిల్లో నిర్వహించే పోటీల్లో పాల్గొన్నాను. అవార్డులూ గెలుచుకున్నాను. ఇక ఇందులోనే జాతీయ స్థాయిలోనూ పతకాలు సాధించాలనుకున్న సందర్భంలో ఉన్నట్టుండి ఇతర కారణాల వల్ల కోచ్ రావడం మానేశాడు. దాంతో నాతోపాటు పన్నెండు మందిమి ఆ ఆటను వదులుకున్నాం. ఆ సమయంలోనే కరోనా వల్ల లాక్డౌన్ పడటంతో కొన్నిరోజులు విరామమిచ్చి ఆ తర్వాత పవర్ లిఫ్టింగ్ వైపు లక్ష్యాన్ని మార్చుకున్నాను. శంషాబాద్లో పవర్లిఫ్టింగ్ కోచ్ రాఘవేంద్రన్నను సంప్రదించి శిక్షణ ఇవ్వమని కోరాను. ఆయన అప్పటికే అంతర్జాతీయ స్థాయిలో ప్రతిభ చూపాడు. రెండూ బరువులు ఎత్తడమే అయినా ట్రిక్స్ వేరు కదా. అందుకే మొదటి నుంచి శిక్షణ ప్రారంభించాను. రోజూ నాలుగు గంటలు కసరత్తులు చేసేవాణ్ని.
అండగా కుటుంబం..
జిల్లా, రాష్ట్ర స్థాయిల్లో ప్రతిభ కనబరిచాను. 2024లో మొదటిసారి జాతీయ స్థాయి అవకాశం వచ్చింది. గోవాలో జరిగిన వరల్డ్ పవర్ లిఫ్టింగ్ కాంగ్రెస్ (డబ్ల్యూపీసీ) నేషనల్ డెడ్ లిఫ్ట్ చాంపియన్షిప్ పోటీల్లో పాల్గొని టాప్ 7లో నిలిచాను. కానీ, మెడల్ మాత్రం దక్కలేదు. చాలా నిరాశతో వెనుదిరిగాను. చుట్టుపక్కల వాళ్లు ఎగతాళి చేశారు. బరువులెత్తే ఆటలు ఆడి ఏం సాధిస్తావని చిన్నచూపు చూశారు. అయినా అమ్మానాన్న తోడుగా నిలిచారు. మరోసారి ప్రయత్నించమని భుజం తట్టారు. వాస్తవానికి అందులో నేను ఎంపిక కాకపోవడానికి ప్రధానం కారణం డైట్ మెయింటెన్ చేయకపోవడమే. ఆర్థిక పరిస్థితుల కారణంగా కావాల్సిన డైట్ను తీసుకోలేకపోవడంతో పతకం సాధించలేకపోయాను. ఆ విషయం నాతో పాటు నా కుటుంబ సభ్యులకూ తెలుసు. నా లోపాలను గుర్తించి వాటిని అధిగమిస్తున్న సమయంలో జిమ్లో నా క్లయింట్ గోపాలన్న ప్రాక్టీస్ సమయంలో స్పాన్సర్షిప్ అందించాడు. దాంతో పాటు ఇంట్లోవాళ్లు కూడా అప్పులు చేసి మరీ అండగా నిలిచారు. ఆర్థిక ఇబ్బందులను తట్టుకొని కఠినమైన శిక్షణలో నడుము, భుజానికి గాయాలయ్యాయి. మూడు నెలలపాటు విశ్రాంతి తీసుకోవాల్సి వచ్చింది. ఆ తర్వాత అమ్మ బ్రెయిన్ స్ట్రోక్తో మంచాన పడింది. అయినా కూడా జాతీయ స్థాయి పోటీల కోసం తిరిగి శిక్షణ కొనసాగించాను.

Medals
అందరి విజయమిది
ఈ ఏడాది సెప్టెంబర్లో వరల్డ్ పవర్ లిఫ్టింగ్ కాంగ్రెస్ (డబ్ల్యూపీసీ) నేషనల్ డెడ్ లిఫ్ట్ చాంపియన్షిప్ నోయిడాలో నిర్వహించారు. ఇందులో పురుషుల 67.5 కిలోల ఓపెన్ కేటగిరీలో 202.5 కిలోల బరువులెత్తి రజితం సాధించాను. అంతేకాకుండా డబ్ల్యూపీఎస్వో నేషనల్ చాంపియన్షిప్లో పోటీపడి ఎక్స్ట్రీమ్ కర్ల్స్ కేటగిరీలో అంతే బరువును ఎత్తి స్వర్ణాన్ని కైవసం చేసుకున్నాను. ఈ విజయం నా ఒక్కడిది మాత్రమే కాదు. ఇది నా కుటుంబంతో పాటు నాకు దన్నుగా నిలిచిన వారందరిదీ. క్రికెట్ లాంటి క్రీడలకు ఇచ్చే ప్రోత్సాహం, ఆర్థిక సహాయం మాలాంటి అథ్లెట్లకు ఇస్తే మరిన్ని పతకాలు సాధిస్తాం. పవర్ లిఫ్టింగ్లో జాతీయ స్థాయిలో మెరిసిన నేను భవిష్యత్తులో అంతర్జాతీయ స్థాయిలో బంగారు పతకం సాధించాలని లక్ష్యంగా పెట్టుకున్నా. నాకు చిన్నప్పటి నుంచి క్రీడలతోపాటు పోలీస్ కావాలనే కోరికుండేది. ప్రస్తుతం అదే లక్ష్యంతో సాధన చేస్తున్నా.
– రాజు పిల్లనగోయిన
Read Today's Latest Sunday News in Telugu and Telugu News
RELATED ARTICLES
తాజా వార్తలు
ట్రెండింగ్ వార్తలు
Watch: ఆసుపత్రిలో నిద్రిస్తున్న మహిళను వేధించిన వ్యక్తి.. తర్వాత ఏం జరిగిందంటే?
Watch: వైద్య విద్యార్థినిని.. కాలేజీ క్యాంపస్ నుంచి కిడ్నాప్ చేసిన కుటుంబ సభ్యులు, వీడియో వైరల్
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ
Watch: ‘బ్యాగ్లో గంజాయి పెడతా.. డ్రగ్స్ కేసులో ఇరికిస్తా’.. జంటను బెదిరించిన పోలీస్ అధికారి

