పాకెట్ సైజ్లో ప్రింటర్.. పెంపుడు జంతువుల కోసం బౌల్!
జేబులో పట్టేంత ఫొటో ప్రింటర్. పెంపుడు జంతువులు తాగే నీరు సురక్షితంగా ఉంచే బౌల్.. ఒకే పరికరంలో సెల్ఫీ స్టిక్, టేబుల్టాప్ ట్రైపాడ్ వంటి కొత్త ఎలక్ట్రానిక్ వస్తువులు అందుబాటులోకి వచ్చాయి. ఈ వారం నయామాల్లో వీటి గురించి వివరాలు తెలుసుకుందాం.
పెట్స్ కోసం పర్ఫెక్ట్ బౌల్!
ఇంట్లో పెంపుడు జంతువులు నీళ్లు తాగేటప్పుడు తొందరపడతాయి. ముక్కు, గడ్డం, చెవులను నీటిలో ముంచేస్తుంటాయి. దాంతో నీళ్లు నేలపాలవుతాయి. ఇక గాలిలో ఉండే దుమ్ము, ధూళి, వాటి శరీరంలోని వెంట్రుకలు పడి.. నీళ్లన్నీ కలుషితం అవుతాయి. ఈ సమస్యలన్నిటికీ పరిష్కారంగా మార్కెట్లోకి వచ్చిందే.. els pet water bowl (2l) with floating disk. ఇందులో ఉండే ‘ఫ్లోటింగ్ డిస్క్’ టెక్నాలజీ.. నీటిని సురక్షితంగా ఉంచడంలో అద్భుతంగా పనిచేస్తుంది. జంతువులు నీళ్లు తాగేటప్పుడు తమ నాలుకతో ఈ డిస్క్పైన తేలికగా ఒత్తిడిని కలిగిస్తాయి. దీనివల్ల కేవలం అవసరమైనంత నీరు మాత్రమే ఆ చిన్న రంధ్రం ద్వారా పైకి వస్తుంది. ఫలితంగా, నీరు ఒలికిపోవడం, జంతువుల ముఖం, గడ్డం తడవడం లాంటి సమస్యలు ఉండవు. జంతువులకు రోజంతా సరిపోయేలా రెండు లీటర్ల నీటిని నిల్వ చేసుకోవచ్చు కూడా!
– ధర: రూ. 3,000, దొరుకుచోటు: అమెజాన్

Ulanzi Mt98
రీల్స్.. షార్ట్స్.. మరింత ఈజీగా!
యాక్షన్ కెమెరాలు, మొబైల్ ఫొటోగ్రఫీ ప్రేమికుల కోసం.. ప్రముఖ యాక్సెసరీస్ బ్రాండ్ ‘ఉలాంజి’ మార్కెట్లోకి సరికొత్తగా ULANZI MT98 2-in-1 Selfie Stick & Tripodను తీసుకొచ్చింది. ఒకే పరికరంలో సెల్ఫీ స్టిక్, టేబుల్టాప్ ట్రైపాడ్ లాంటి అద్భుతమైన ఫీచర్లను అందిస్తూ.. కంటెంట్ క్రియేటర్లలో తెగ ప్రాచుర్యం పొందుతున్నది. దీన్ని అవసరానికి తగినట్లుగా క్షణాల్లోనే రెండు రకాలుగా మార్చుకోవచ్చు. ప్రయాణాలు చేసేటప్పుడు, వాకింగ్ వ్లాగింగ్ చేసేటప్పుడు, సెల్ఫీలు లేదా వైడ్ యాంగిల్ వీడియోలు తీసుకోవడానికి ఇది అద్భుతంగా పనిచేస్తుంది. అత్యంత తేలికపాటి, మన్నికైన అల్యూమినియం అల్లాయ్ మెటీరియల్తో తయారైన ఈ ట్రైపాడ్ను ఎక్కడికైనా సులభంగా తీసుకెళ్లొచ్చు. దీని పైభాగంలో ఉండే 1/4 అంగుళాల స్క్రూమౌంట్ సాయంతో అన్ని ప్రముఖ యాక్షన్ కెమెరాలతోపాటు, మొబైల్ హోల్డర్ సహాయంతో స్మార్ట్ఫోన్లను కూడా సులభంగా బిగించుకోవచ్చు.
– ధర: రూ.2,490, దొరుకుచోటు: అమెజాన్

Godox P100 Portable Photo P
క్షణాల్లో ముద్రించుకోండి..
ఫొటోగ్రఫీ లైటింగ్ పరికరాల తయారీలో ప్రసిద్ధి చెందిన గోడాక్స్ సంస్థ.. సరికొత్త పాకెట్ సైజ్ ప్రింటర్ను తీసుకొచ్చింది. డిజిటల్ గ్యాలరీల్లో దాగి ఉండే మధుర జ్ఞాపకాలను చేతికి అందించేలా.. Godox P100 Portable Photo Printerను తీర్చిదిద్దింది. ఈ ప్రింటర్ చాలా చిన్నదిగా, ప్యాకెట్లో ఇమిడిపోయేలా ఉంటుంది. ఇందులో ప్రొఫెషనల్ స్థాయి డై-సబ్లిమేషన్ ప్రింటింగ్ టెక్నాలజీని ఉపయోగించారు. 300 డీపీఐ రిజల్యూషన్, 16.7 మిలియన్ల రంగుల కలయికతో పనిచేస్తుంది. దీనివల్ల ఫొటోలోని ప్రతి చిన్న విషయాన్ని కూడా స్పష్టంగా, ఆకర్షణీయంగా ప్రింట్ చేస్తుంది. ఇందులోని అత్యంత ప్రత్యేకమైన ఫీచర్.. ప్రతి ఫొటో ప్రింట్ అయి బయటకి వచ్చేటప్పుడు, దానిపైన ఒక పల్చని రక్షణ పొరను ల్యామినేషన్లా అద్దుతుంది. బ్లూటూత్తోపాటు ఎన్ఎఫ్సీ టాప్-టు-కనెక్ట్ ఫీచర్ ద్వారా ఈ ప్రింటర్ను స్మార్ట్ఫోన్కు కనెక్ట్ చేసుకోవచ్చు.
– ధర: రూ. 22,400, దొరుకుచోటు: godox.com

Ugreen Usb C Hub
పోర్ట్స్ సమస్యకు చెక్
ప్రస్తుతం ల్యాప్టాప్స్, ట్యాబ్లెట్స్లో కనెక్టివిటీ పోర్టుల సంఖ్య క్రమంగా తగ్గిపోతున్నది. దాంతో పెన్డ్రైవ్స్, ఎక్స్టర్నల్ హార్డ్డ్రైవ్, ఎస్ఎస్డీ వంటి పరికరాలను కనెక్ట్ చేయడం చాలా కష్టమైపోతున్నది. ‘యూగ్రీన్’ మార్కెట్లోకి తెచ్చిన UGREEN USB-C Hub 4-Port 10Gbps ఉంటే.. పోర్ట్స్ సమస్యకు ఇట్టే చెక్ పడుతుంది. ఈ హబ్ మెయిన్ ఫీచర్.. దీని వేగం. యూఎస్బీ 3.2 జెన్-2 టెక్నాలజీతో పనిచేసే ఈ డివైజ్.. సెకనుకు 10 గిగాబైట్ల వేగంతో డేటాను ట్రాన్స్ఫర్ చేస్తుంది. మీ ల్యాపీలో ఉన్న ఒక్క టైప్-సి పోర్ట్ను నాలుగు యూఎస్బీ-సి డేటా పోర్టులుగా మార్చేస్తుంది. టైప్-సి పోర్టులు మాత్రమే ఉన్న కొత్తతరం ల్యాపీలు, స్మార్ట్ఫోన్లు, ట్యాబ్లెట్లు వాడుతున్న వారికి ఇది ఎంతో ఉపయోగపడుతుంది. అయితే ఇది కేవలం డేటా ట్రాన్స్ఫర్ కోసమే పనిచేస్తుంది.
– ధర: రూ. 1,582, దొరుకుచోటు: అమెజాన్
Read Today's Latest Sunday News in Telugu and Telugu News
RELATED ARTICLES
తాజా వార్తలు
ట్రెండింగ్ వార్తలు
Watch: ఆసుపత్రిలో నిద్రిస్తున్న మహిళను వేధించిన వ్యక్తి.. తర్వాత ఏం జరిగిందంటే?
Watch: వైద్య విద్యార్థినిని.. కాలేజీ క్యాంపస్ నుంచి కిడ్నాప్ చేసిన కుటుంబ సభ్యులు, వీడియో వైరల్
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ
Watch: ‘బ్యాగ్లో గంజాయి పెడతా.. డ్రగ్స్ కేసులో ఇరికిస్తా’.. జంటను బెదిరించిన పోలీస్ అధికారి

