Visit:
బాంబే, ఫిబ్రవరి 22: ఐఐటీ బాంబే హాస్టల్లో ఓ విద్యార్థి సంచిలో ఐదు తూటాలు లభ్యం కావటం తీవ్ర కలకలం రేపింది. హాస్టల్ ఆవరణలో భద్రత తనిఖీ సందర్భంగా ఓ విద్యార్థి నుంచి 7.65 ఎంఎం తూటాలు స్వాధీనం చేసుకున్నట్టు వర్సిటీ క్యాంపస్ అధికారులు ఆదివారం మీడియాకు తెలిపారు. హాస్టల్లో ఇద్దరు విద్యార్థుల మధ్య డబ్బు విషయంలో ఈ నెల 19న జరిగిన చిన్న గొడవ తర్వాత ఈ ఘటన చోటు చేసుకుందని అన్నారు.
తూటాలున్న బ్యాగ్ ఎక్కడిదని పోలీసులు గొడవ పడిన విద్యార్థుల్లో ఒకరైన సూరజ్ దూబేను ప్రశ్నించగా అది తన స్నేహితుడు అపూర్వ్కు చెందినదని అతడు తెలిపాడు. దీంతో అపూర్వ్ను దీనిపై విచారణ చేయగా బీహార్లోని సమస్తిపూర్కు చెందిన తన పరిచయస్థుడు సతీశ్ చంద్ర చౌదరి ఆ బుల్లెట్లను తెచ్చాడని అతడు తెలిపాడు. దీంతో పోలీసులు చౌదరిని అరెస్ట్ చేసి ప్రశ్నించగా& తాను వాటిని బీహార్లోని ముంగేర్లో కొన్నట్టు చెప్పాడు.
