Akshay Kumar | తొలిసారి మరాఠా మూవీలో అక్షయ్‌ కుమార్‌..!

Veer Daudale Saat Movie | బాలీవుడ్‌ స్టార్ హీరో అక్షయ్‌ కుమార్‌ ఫలితంతో సంబంధంలేకుండా వరుసగా సినిమాలను సెట్స్‌పైకి తీసుకెళ్తుంటాడు. అంతేకాకుండా ఏ హీరోకు సాధ్యం కాని విధంగా ఏడాదికి నాలుగైదు సినిమాలను రిలీజ్‌ చేస్తుంటాడు.

Veer Daudale Saat Movie | బాలీవుడ్‌ స్టార్ హీరో అక్షయ్‌ కుమార్‌ ఫలితంతో సంబంధంలేకుండా వరుసగా సినిమాలను సెట్స్‌పైకి తీసుకెళ్తుంటాడు. అంతేకాకుండా ఏ హీరోకు సాధ్యం కాని విధంగా ఏడాదికి నాలుగైదు సినిమాలను రిలీజ్‌ చేస్తుంటాడు. ఈ ఏడాది ఇప్పటికే ఈయన నటించిన 5 సినిమాలు రిలీజైయ్యాయి. అయితే ఈ ఐదు చిత్రాలు ప్రేక్షకులను ఆకట్టుకోలేకపోయాయి. మూడు సినిమాలకు పాజిటీవ్‌ టాక్‌ వచ్చినా, వేరే సినిమాలతో పోటీని తట్టుకోలేక బాక్సాఫీస్ దగ్గర ఫేయిల్యూర్‌గా మిగిలాయి. ఇక ప్రస్తుతం అక్షయ్ చేతిలో నాలుగు సినిమాలున్నాయి. కాగా తాజాగా మరో సినిమాను గ్రీన్‌ సిగ్నల్‌ ఇచ్చాడు.

‘వీర్‌ దౌడ్‌ లే సాత్’ అనే మారాఠా మూవీలో అక్షయ్‌కుమార్ నటిస్తున్నాడు. కాగా ఈ చిత్రం అక్షయ్‌కు తొలి మరాఠా మూవీ కావడం విశేషం. ఈ సినిమాలో అక్షయ్ కుమార్‌ ఛత్రపతి శివాజీ పాత్రలో నటించనున్నాడు. మహేష్ మంజ్రేఖర్‌ దర్శకత్వం వహిస్తున్న ఈ చిత్రం మరాఠా భాషలోనే కాకుండా హిందీ, తెలుగు, తమిళ భాషల్లో రిలీజ్‌ చేయాలని మేకర్స్ సన్నాహాలు చేస్తున్నారు. ఈ చిత్రాన్ని ఖురేషీ ప్రొడక్షన్స్‌ బ్యానర్‌పై వజీమ్ ఖురేషీ నిర్మిస్తున్నాడు. ఈ చిత్రాన్ని వచ్చే ఏడాది దీపావళి కానుకగా ప్రేక్షకుల ముందుకు తీసుకురానున్నట్లు చిత్రబృందం వెల్లడించింది.