Chandrababu-Pawan Kalyan | పవన్ కల్యాణ్ ఇంటికి చంద్రబాబు

Chandrababu-Pawan Kalyan | టీడీపీ అధినేత చంద్రబాబు ఆదివారం జనసేన అధినేత పవన్ కల్యాణ్ ఇంటికి వచ్చారు. ఏపీలో వచ్చే ఏడాది జరిగే అసెంబ్లీ ఎన్నికల్లో అనుసరించాల్సిన వ్యూహంపై ఇరువురు నేతలు చర్చించుకుంటారని తెలుస్తున్నది.

Chandrababu-Pawan Kalyan | టీడీపీ అధినేత చంద్రబాబు నాయుడు ఆదివారం హైదరాబాద్‌లో జనసేన అధినేత పవన్ కల్యాణ్ ఇంటికి వచ్చారు. వచ్చే ఏడాది ఏప్రిల్‌లో లోక్‌సభ ఎన్నికలతోపాటు ఆంధ్రప్రదేశ్ అసెంబ్లీ ఎన్నికలు జరుగనున్నాయి. వచ్చే అసెంబ్లీ ఎన్నికల్లో జనసేన, టీడీపీ మధ్య సీట్ల సర్దుబాటు, ఉమ్మడి మేనిఫెస్టోలో చేర్చాల్సిన అంశాలపై వీరు చర్చిస్తున్నట్లు సమాచారం. వచ్చే అసెంబ్లీ, లోక్‌సభ ఎన్నికల్లో బీజేపీతో కలిసి వెళ్లాలా? వద్దా.. ? అనే అంశంపై కూడా వీరు చర్చించే అవకాశం ఉంది. చంద్రబాబుతో భేటీ తర్వాత పవన్ కల్యాణ్ ఒక ప్రకటన చేసే అవకాశం ఉందని తెలుస్తున్నది. తన నివాసానికి చేరుకున్న చంద్రబాబును పవన్ కల్యాణ్ సాదరంగా ఆహ్వానించారు.

ఏపీలో వైఎస్ జగన్ సారధ్యంలోని వైఎస్సార్ కాంగ్రెస్ పార్టీ అధికారంలో ఉన్నది. గత ఎన్నికల్లో టీడీపీ, జనసేన విడివిడిగా పోటీ చేశాయి. 2014 ఎన్నికల్లో టీడీపీ, బీజేపీ, జనసేన కలిసి పోటీ చేయడంతో టీడీపీ అధికారంలోకి వచ్చింది. మళ్లీ టీడీపీ, జనసేనతో కలిసి బీజేపీ వెళుతుందా? లేదా? అన్నది మున్ముందు తేలుతుందని చెబుతున్నారు.