Tomato rates: టమాట ధర కిందికి.. రైతన్నల ఆందోళన

Tomato rates : గత కొన్ని రోజులుగా ఆకాశన్నంటిన టమాట ధరలు.. మెల్లమెల్లగా పడిపోతున్నాయి. రెండు, మూడు రోజుల్లో ఒకేసారి ధరలు పడిపోవడంతో టమాట రైతులు ...

(Tomato rates) విజయవాడ: గత కొన్ని రోజులుగా ఆకాశన్నంటిన టమాట ధరలు.. మెల్లమెల్లగా పడిపోతున్నాయి. రెండు, మూడు రోజుల్లో ఒకేసారి ధరలు పడిపోవడంతో టమాట రైతులు ఆందోళన చెందుతున్నారు. పంట కోసేందుకు చెల్లించిన కూలీ డబ్బు కూడా రాకపోవడంతో రైతన్నలు దిగాలు పడిపోయారు. అటు టమాటను తెంపి మార్కెట్‌కు పంపలేక, ఇటు తక్కువ రేటుకు పంటను అమ్ముకోలేక రైతులు అవస్థలు పడుతున్నారు. రైతుల పరిస్థితి ఇలా ఉండగా.. దిగిన ధరలు తమకు అందట్లేదని సామాన్యులు వాపోతున్నారు.

మొన్నటి వరకు కిలో టమాట రూ.70 నుంచి రూ.100 వరకు పలికింది. టమాట కొనాలంటే జనం బేజారయ్యారు. ఒకవైపు వర్షాలు కురవడం.. మరోవైపు మార్కెట్లో పంట లేకపోవడంతో ధర అమాంతం పెరిగిపోయింది. ఇప్పుడు వాతావరణం ప్రశాంతంగా మారడంతో టమాట పంట మార్కెట్‌ను ముంచెత్తుతున్నది. దాంతో ధర ఒకేసారి పడిపోయింది. ప్రస్తుతం కిలో టమాట రూ.40 నుంచి రూ.50 వరకు పలుకుతున్నది. చిత్తూరు, అనంతపురం, కర్నూలు జిల్లాల్లో టమోటా ఎక్కువగా పండుతుంది. వాతావరణం అనుకూలిస్తేనే లాభం ఉంటుంది. మూడేండ్లుగా అధిక వర్షాలు, వరదలతో ఏపీ టమాట రైతులు తీవ్రంగా నష్టపోతున్నారు. ఎన్నో కష్టాలకోర్చి సాగు చేస్తే.. సరైన ధర అందక రైతులు నష్టాల పాలవుతున్నారు. పెద్ద మొత్తంలో పంట వస్తున్నా.. ఇతర ఉత్పత్తుల తయారీపై దృష్టిసారించకపోవడం దురదృష్టకరం. ప్రభుత్వం ప్రాసెసింగ్‌ యూనిట్లను అందుబాటులో తీసుకొస్తే కొంతమేరకైనా రైతులు లాభపడే అవకాశాలు ఉంఆయి.

ఇవి కూడా చ‌ద‌వండి..

గర్భ సంచిలో గడ్డలు ఎందుకు వస్తాయి.. అలా వస్తే పిల్లలు పుడతారా ?

శృంగార స‌మ‌యంలో అతిచేస్తే మొదటికే మోసం..!

ప్రతి మూత్రపిండ రోగీ డయాలసిస్‌ చేయించుకోవాలా? అసలు ఎవరికి అవసరం?

మధుమేహాన్ని ఇలా అదుపులో పెట్టుకోండి..!

తాజా వార్తల కోసం నమస్తే తెలంగాణ ఫేస్‌బుక్‌ , ట్విటర్‌, టెలిగ్రామ్‌ ను ఫాలో అవండి..