Sleep | అమ్మో నిద్ర‌ను ఇన్ని చ‌ప్పుళ్లు డిస్ట‌ర్బ్ చేస్తున్నాయా?

December 10, 2021 / 03:47 AM IST

sleep disturbance sound | రోజూ ఎనిమిది గంటల నిద్ర తప్పనిసరి. కానీ, కొందరికి చుట్టుపక్కల వాతావరణం సహకరించదు. రకరకాల చప్పుళ్లు నిద్రాదేవిని పరిహాసం చేస్తుంటాయి. చాలామంది ఏడాదికి 500 గంటల నిద్ర.. అంటే, రోజుకు ఎనిమిది గంటల నిద్ర చొప్పున లెక్కేస్తే సుమారు 63 రోజుల నిద్రను చప్పుళ్ల కారణంగా కోల్పోతున్నట్టు తాజా అధ్యయనంలో తేలింది. ఈ పరిశీలనలో మొత్తం రెండువేల మంది పాల్గొన్నారు. అందులో పదికి తొమ్మిదిమంది వివిధ రకాల చప్పుళ్ల కారణంగా సరిగ్గా నిద్రపట్టడం లేదని వాపోయారు. అందులో, గురక కూడా ఒకటి. వర్షం, గాలి, ఉరుములు, కారు హారన్‌, కుక్కల అరుపుల వంటివి కూడా నిద్రా రాక్షసాల జాబితాలో ఉన్నాయి. నిద్రలేమి శారీరక, మానసిక సమస్యలకు దారి తీస్తుంది. మధుమేహం, బీపీ, గుండె జబ్బులకు కారణమవుతుంది. అందువల్ల వీలైనంత వరకూ, నిద్రించే చోట చప్పుళ్లు చొరబడకుండా చూసుకోవాలి. గురక విషయంలో వెంటనే చికిత్స తీసుకోవాలి. జీవనశైలి మార్పులతో ఈ సమస్య తగ్గిపోతుంది

లోక‌ల్ టు గ్లోబ‌ల్ వార్త‌ల కోసం.. న‌మ‌స్తే తెలంగాణ ఫేస్‌బుక్‌, ట్విట‌ర్ పేజీల‌ను ఫాలో అవ్వండి