Miss Universe Harnaaz Sandhu | మిస్ యూనివ‌ర్స్ 2021 హ‌ర్నాజ్ సంధు ఎవ‌రో తెలుసా?

Miss Universe | ఇజ్రాయెల్‌లో ఆదివారం జ‌రిగిన మిస్ యూనివ‌ర్స్ అందాల పోటీలో భార‌త్‌కు చెందిన హ‌ర్నాజ్ సంధు గెలుపొందింది. భార‌త్‌కు 21 ఏళ్ల త‌రువాత మిస్ యూనివ‌ర్స్ కిరీటం ద‌క్కింది. అంత‌కు ముందు విశ్వ సుంద‌రిగా 1994లో సుష్మిత సేన్, 2000లో లారా ద‌త్తా నిలిచారు

December 13, 2021 / 03:48 PM IST

Miss Universe Harnaaz Sandhu | మిస్ యూనివ‌ర్స్ 2021 హ‌ర్నాజ్ సంధు ఎవ‌రో తెలుసా?

ఇజ్రాయెల్‌లో ఆదివారం జ‌రిగిన మిస్ యూనివ‌ర్స్ అందాల పోటీలో భార‌త్‌కు చెందిన హ‌ర్నాజ్ సంధు గెలుపొందింది. భార‌త్‌కు 21 ఏళ్ల త‌రువాత మిస్ యూనివ‌ర్స్ కిరీటం ద‌క్కింది. అంత‌కు ముందు విశ్వ సుంద‌రిగా 1994లో సుష్మిత సేన్, 2000లో లారా ద‌త్తా నిలిచారు. 2021 మిస్ యూనివ‌ర్స్ విన్నర్‌గా అవ‌త‌రించిన 21 ఏళ్ల‌ హ‌ర్నాజ్ సంధు గురించి విశేషాలు

పంజాబ్ రాజ‌ధాని చండీగ‌ఢ్‌కు చెందిన హ‌ర్నాజ్ సంధు వృత్తిప‌రంగా ఒక‌ మోడ‌ల్. చండీగ‌ఢ్‌లోనే డిగ్రీ పూర్తి చేసిన హ‌ర్నాజ్ ప్ర‌స్తుతం మాస్ట‌ర్స్ కూడా చ‌దువుకుంటోంది. ఒక‌వైపు బ్యూటీ కాంటెస్ట్‌ల‌లో పాల్గొంటూ.. మ‌రోవైపు చ‌దువుని కొన‌సాగిస్తోంది ఈ 21 ఏళ్ల అమ్మ‌డు. అంతేకాదు రెండు పంజాబీ సినిమాల‌లో కూడా న‌టించింది.

మిస్ యూనివ‌ర్స్ 2021 హ‌ర్నాజ్ సంధు | Miss Universe Harnaaz Sandhu — Miss Universe Harnaaz Sandhu

17 ఏళ్ల వ‌య‌సు నుంచే మోడ‌లింగ్ ప్రారంభించిన హ‌ర్నాజ్ ఇప్ప‌టివ‌ర‌కు నాలుగు బ్యూటీ కాంటెస్ట్‌ల‌లో విన్న‌ర్‌గా నిలిచింది. 2017లో టైమ్స్ ఫ్రెష్ ఫేస్ మిస్ చండీగ‌ఢ్, 2018లో మిస్ మ్యాక్స్ ఎమ‌ర్జింగ్ స్టార్, 2019లో ఫెమినా మిస్ ఇండియా పంజాబ్, 2021 లో మిస్ యూనివ‌ర్స్ ఇండియా కితాబుల‌ను అందుకుంది.

స్కూల్ చ‌దువుకునే రోజుల‌లో హ‌ర్నాజ్ చాలా స‌న్నగా ఉండ‌డంతో తోటి విద్యార్థులు ఆమెను ఏడ్పించేవారు. దీంతో కొంత‌కాలం ఆమె డిప్రెష‌న్ బారిన‌ప‌డింది. ఆ స‌మ‌యంలో హ‌ర్నాజ్ కుటుంబం తోడుగా నిల‌బ‌డ‌డంతో ఆమె త్వ‌ర‌గా కోలుకొంది. మోడ‌లింగ్, అందాల‌పోటీల‌లో ఇప్ప‌టివ‌ర‌కు విజేత‌గా నిలిచిన ఈ అందాల భామ డైటింగ్ చేయ‌నంటోంది. నోటికి రుచిగా ఉండేవి అన్నీతింటాన‌ని చెప్పింది. కానీ రోజూ వ‌ర్కౌట్స్ త‌ప్ప‌నిస‌రి అని చెప్పుకొచ్చింది.

లోక‌ల్ టు గ్లోబ‌ల్ వార్త‌ల కోసం.. న‌మ‌స్తే తెలంగాణ ఫేస్‌బుక్‌, ట్విట‌ర్ పేజీల‌ను ఫాలో అవ్వండి