Depression | క‌రోనా టైంలో ఎక్కువ‌గా ఎఫెక్ట్ అయింది వీళ్లే

December 11, 2021 / 04:09 AM IST

Depression | జనరేషన్‌ జెడ్‌ అంటే 1997-2012 మధ్య పుట్టిన వాళ్లకింద చెబుతారు. డిజిటల్‌ యుగంలో పుట్టిన వీళ్లకు సాంకేతికత మునివేళ్లపై ఉంటుంది. సామాజిక మాధ్యమాల్లో చిరుతల్లా వ్యవహరించే జనరేషన్‌ జెడ్‌ యువత వ్యక్తిగతంగా మాత్రం చాలా డిప్రెషన్‌కు గురువుతున్నారట. ముఖ్యంగా కరోనా సమయంలో అందరిలో ఎక్కువగా కుంగుబాటుకు గురైంది ఈ నవతరం పిల్లలే అని ఓ సర్వేలో తేలింది. పదిమంది జనరేషన్‌ జెడ్‌ కుర్రకారులో ఏడుగురు కరోనా వేళ ఆందోళనతోనే కాలం వెళ్లదీశారని సర్వేకారులు చెబుతున్నారు. అయితే, ఇలా ఒత్తిడికి గురవ్వడం వెనుక వాళ్ల మొండివైఖరే కారణమని విశ్లేషిస్తున్నారు. దీనికితోడు సామాజిక మాధ్యమాల ప్రభావం కూడా నవయువతపై ఉందని పేర్కొంటున్నారు. అంతేకాకుండా, తల్లిదండ్రుల షరతులు కూడా జనరేషన్‌ జెడ్‌ను తికమక పెడుతున్నాయని అంటున్నారు.

లోక‌ల్ టు గ్లోబ‌ల్ వార్త‌ల కోసం.. న‌మ‌స్తే తెలంగాణ ఫేస్‌బుక్‌, ట్విట‌ర్ పేజీల‌ను ఫాలో అవ్వండి