Lip care tips | చ‌లికాలంలో పెద‌వులు ప‌గులుతున్నాయా? ఈ టిప్స్ ట్రై చేయండి

December 11, 2021 / 05:30 AM IST

lip care tips | చలికాలం వచ్చిందంటే చాలు పెదవులు పొడిబారడం, పగలడం వంటి సమస్యలు చాలామందికి ఎదురవుతాయి. వాటిని పట్టించుకోకపోతే సమస్య ఎక్కువయ్యే ప్రమాదం ఉంది. గులాబీ రేకుల్లాంటి పెదవులను కంటికి రెప్పలా కాపాడుకోవాలంటే ఈ చిన్నచిన్న చిట్కాలు పాటించండి.

పెదవులు పొడిబారగానే చాలామంది నాలుకతో తడుపుతుంటారు. ఇలా అస్సలు చేయకూడదు. అధరాలపై తేమ తగ్గకుండా ఉండేందుకు లిప్‌బామ్‌ రాసుకోవాలి. పెదవులను వేళ్లతో తాకడం మానేయాలి. లేదంటే బ్యాక్టీరియా, క్రిములు చేరి ఇన్‌ఫెక్షన్‌ వచ్చే ప్రమాదం ఉంటుంది. పెదవులపై చర్మం పెచ్చులుగా ఊడుతున్నప్పుడు వాటిని బలవంతంగా లాగేయొద్దు. వారానికోసారి తేనె, చక్కెర కలిపిన మిశ్రమంతో పెదవులను మర్దనా చేయాలి. ఐదు నిమిషాల తర్వాత గోరువెచ్చని నీటితో కడగాలి. టమాటా గుజ్జు పెదవులపై ఉంచినా అధరాలు మృదువుగా తయారవుతాయి. బాదాం నూనెను దూదిబంతితో అద్దుకొని పెదవులపై మర్దనా చేస్తే మంచి ఫలితం కనిపిస్తుంది.

లోక‌ల్ టు గ్లోబ‌ల్ వార్త‌ల కోసం.. న‌మ‌స్తే తెలంగాణ ఫేస్‌బుక్‌, ట్విట‌ర్ పేజీల‌ను ఫాలో అవ్వండి