చ‌ర్మ క్యాన్స‌ర్ ఎందుకు వ‌స్తుందో కార‌ణం తెలిసిపోయింది!

December 12, 2021 / 03:36 AM IST

skin cancer | మెలనిన్‌ అనే పేరు వినే ఉంటారు. మన శరీరపు రంగుకు ఈ పదార్థమే కారణం. సూర్యరశ్మి నుంచి వెలువడే అతినీలలోహిత కిరణాలను తట్టుకునేందుకు మెలనిన్‌ ఉపయోగపడుతుంది. మెలనోసైట్స్‌ అనే కణాలు ఇందుకు దోహదం చేస్తాయి. ఈ మెలనోసైట్స్‌లో తీవ్రమైన మార్పులు వస్తే… అది చర్మ క్యాన్సర్‌కు దారితీస్తుంది. దీన్నే మెలనోమాగా పిలుస్తారు. అమెరికాలోని హన్ట్స్‌మేన్‌ క్యాన్సర్‌ ఇన్‌స్టిట్యూట్‌ ఈమధ్య మెలనోమాకి సంబంధించి, ఓ కీలకమైన పరిశోధనను వెలువరించింది. మన పుట్టుమచ్చలకు కారణం అవుతున్న జన్యుమార్పులే, చర్మ క్యాన్సర్‌లోనూ కనిపిస్తున్నాయని తేల్చింది. పుట్టుమచ్చల విషయంలో ఒక స్థాయి వరకూ జరిగే మార్పు, క్యాన్సర్‌ విషయంలో అడ్డ్డూఅదుపూ లేకుండా కొనసాగడమే… సమస్యకు కారణం అవుతుందని నిర్ధరించింది. ఈ పరిస్థితిని అదుపు చేయగలిగితే జన్యు మార్పులు క్యాన్సర్‌కు దారితీయకుండా నివారించవచ్చనీ, వచ్చినా కూడా తీవ్రతరం కాకుండా చికిత్స చేయవచ్చనీ భావిస్తున్నారు.

లోక‌ల్ టు గ్లోబ‌ల్ వార్త‌ల కోసం.. న‌మ‌స్తే తెలంగాణ ఫేస్‌బుక్‌, ట్విట‌ర్ పేజీల‌ను ఫాలో అవ్వండి