పవన్ కళ్యాణ్ వకీల్ సాబ్ సినిమాపై ఇప్పుడున్న అంచనాలు సరిపోవు అంటూ.. అవి మరికాస్త పెంచడానికి ఒక సంచలన వార్త సోషల్ మీడియాలో ప్రచారం జరుగుతోంది. వకీల్ సాబ్ సినిమాలో మెగా హీరో గెస్ట్ రోల్ చేయబోతున్నాడని తెలుస్తుంది. ఇందులో ఎంతవరకు నిజం ఉందో తెలియదు కానీ ఒకవేళ నిజంగానే వకీల్ సాబ్ సినిమాలో మెగా హీరో గెస్ట్ రోల్ చేస్తే అంతకంటే ఆనందించదగ్గ విషయం అభిమానులకు మరొకటి ఉండదు. మూడేళ్ల తర్వాత పవన్ కళ్యాణ్ నటిస్తున్న సినిమా కావడంతో వకీల్ సాబ్ పై చాలా అంటే చాలా ఆశలు పెట్టుకున్నారు అభిమానులు. దానికి తగ్గట్టుగానే ఈ సినిమాలో అదిరిపోయే సర్ప్రైజ్లు ఉండబోతున్నాయని వార్తలు వినిపిస్తున్నాయి.
ఇప్పటికే ఒరిజినల్ పింక్ సినిమా కంటే ఇందులో 2 యాక్షన్ సీక్వెన్స్ లు అదనంగా ఉండబోతున్నాయి. దానికి తోడు కూడా భారీగా ఉండబోతుంది. పవన్ కళ్యాణ్ ఇమేజ్కు తగ్గట్లు ఈ సినిమా కథలో చాలా మార్పులు చేశాడు దర్శకుడు శ్రీరామ్ వేణు. మూలం చెడగొట్టకుండా మన ప్రేక్షకుల అభిరుచికి తగ్గట్లు వకీల్ సాబ్ సినిమాను రూపొందించామని చెప్పాడు దర్శకుడు. ఇదిలా ఉంటే ఈ సినిమాలో ఒక మెగా హీరో అతిథి పాత్ర పోషించిన విషయాన్ని చాలా గోప్యంగా ఉంచారు దర్శక నిర్మాతలు. థియేటర్లో చూసిన తర్వాత అభిమానులు ప్రేక్షకులు ఒక్కసారిగా థ్రిల్ అవ్వాలని వాళ్ల ఆలోచన. అయితే అది ఎవరు అనేది మాత్రం ప్రస్తుతానికి సస్పెన్స్.
ఆ మధ్య ఒకసారి పవన్ కళ్యాణ్ సినిమాలో రామ్ చరణ్ చేస్తున్నాడు అనే వార్తలు వచ్చాయి. అది ఇదేనా అనే అనుమానాలు కూడా లేకపోలేదు. లేదంటే పవన్కు అత్యంత ఇష్టుడైన మెగా మేనల్లుడు సాయి ధరమ్ తేజ్ అయ్యే అవకాశాలు కూడా ఉన్నాయని ఇండస్ట్రీ వర్గాల నుంచి తెలుస్తున్న సమాచారం. మొత్తానికి వకీల్ సాబ్ సినిమాలో ఎవరు అతిథి పాత్ర చేసినా కూడా మెగా ఫ్యాన్స్ మాత్రం అది పండగే.
లోకల్ టు గ్లోబల్ వార్తల కోసం.. నమస్తే తెలంగాణ ఫేస్బుక్, ట్విటర్ పేజీలను ఫాలో అవ్వండి