Work From Traffic | ఐటీ రాజధానిలో టెకీ కష్టాలు.. ట్రాఫిక్‌లో ఆన్‌లైన్‌ మీటింగ్‌‌.. వైరలవుతున్న వీడియో

Work From Traffic | సిలికాన్‌ వ్యాలీ (Silicon Valley)గా పేరుగాంచిన దేశ ఐటీ రాజధాని బెంగ‌ళూర్‌లో ట్రాఫిక్‌ కష్టాల (Bengaluru Traffic) గురించి ప్రత్యేకించి చెప్పాల్సిన అవసరం లేదు.

Work From Traffic | సిలికాన్‌ వ్యాలీ (Silicon Valley)గా పేరుగాంచిన దేశ ఐటీ రాజధాని బెంగ‌ళూర్‌లో ట్రాఫిక్‌ కష్టాల (Bengaluru Traffic) గురించి ప్రత్యేకించి చెప్పాల్సిన అవసరం లేదు. రోజురోజుకూ నగరంలో ట్రాఫిక్‌ పెరిగిపోతుండటంతో ప్రజలు తీవ్ర ఇబ్బందులు పడుతున్నారు. ముఖ్యంగా టెకీల ట్రాఫిక్ క‌ష్టాలు అంతాఇంతా కాదు.

తాజాగా ఓ టెకీ రద్దీగా ఉన్న రోడ్లపై స్కూటీపై వెళ్తూ మొబైల్‌ ఫోన్‌లో జూమ్‌కాల్‌ వింటున్న వీడియో ఒకటి ఇప్పుడు నెట్టింట తెగ వైరల్‌ అవుతోంది. మహిళ ఆన్‌లైన్ మీటింగ్‌లో నిమగ్నమై ఉన్నట్లు వీడియోలో కనిపించింది (Woman Attending Online Meeting On Scooter). ఇది చూసిన స్థానికులు వెంటనే ఈ దృశ్యాన్ని తమ కెమెరాల్లో బంధించి సోషల్‌ మీడియాలో పోస్టు చేశారు. ‘వర్క్‌ ఫ్రం ట్రాఫిక్ (Work From Traffic).. బెంగళూరులో ఓ సాధారణ రోజు’ అంటూ వీడియోకి క్యాప్షన్‌ ఇచ్చారు. ప్రస్తుతం ఈ వీడియో వైరల్‌గా మారింది. ఇది చూసిన నెటిజన్లు ‘బెంగళూరులోనే ఇలాంటివి సాధ్యం’ అంటూ కామెంట్స్‌ చేస్తున్నారు.

కాగా, ఈ సిలికాన్‌ సిటీలో ట్రాఫిక్‌ కష్టాలకు అద్దం పట్టే ఘటనలు ఇప్పటికే సోషల్ మీడియాలో అనేకం వెలుగులోకి వచ్చాయి. ప్రపంచంలో ట్రాఫిక్ ఎక్కువగా ఉండే నగరాల్లో రెండో స్థానంలో నిలిచిన బెంగళూరులో 2-3 కిలోమీటర్ల ప్రయాణానికి గంటల సమయం పడుతోంది. ఇక సెలవుల సమయంలో చెప్పాల్సిన పనేలేదు. సొంతూళ్లకు వెళ్లే నగర వాసులు సొంత వాహనాలతో రోడ్లపైకి రావడంతో మహానగరం మొత్తం ఎక్కిడకక్కడ స్తంభించిపోతుంటుంది. సుదీర్ఘ ట్రాఫిక్‌ జామ్‌ను తప్పించుకునేందుకు అనేకమంది నగర వాసులు మెట్రో రైలు వంటి పబ్లిక్‌ ట్రాన్స్‌పోర్ట్‌ను అనుసరిస్తుంటారు. నగరంలోని 95 శాతం మంది వాహనాల యజమానులు కూడా ఇదే చెబుతున్నారని ఇటీవలే నిర్వహించిన పలు సర్వేల్లోనూ వెల్లడైంది.

சாலையிலும் வேலை
வேற என்ன பண்றது

அது சரி

சிக்னல பாருங்கடாண்ணா
இவனுங்க எதுக்கு என்னையே பார்த்துக்கொண்டு இருக்கிறானுங்கள் pic.twitter.com/CiMo58flEQ

— SHAAN SUNDAR 🖤♥️🖤♥️ (@Sun46982817Shan) April 23, 2024

Also Read..

Massive fire | పాట్నాలో ఘోర అగ్నిప్రమాదం.. ఆరుగురు మృతి

Election Commission | మోదీ, రాహుల్ ప్రసంగాలపై ఈసీ అసహనం.. రెండు పార్టీలకూ నోటీసులు

Jio Cinema | జియో సినిమా బంపర్‌ ఆఫర్‌.. రూ.29కే నెల మొత్తం 4K వీడియో క్వాలిటీతో యాడ్‌ ఫ్రీ కంటెంట్‌