త‌మ పెళ్లిని వెరైటీగా చేసుకోవాల‌నుకొని అడ్డంగా బుక్ అయిన జంట‌.. వైర‌ల్ వీడియో

త‌మ పెళ్లిని వెరైటీగా చేసుకోవాల‌నుకొని అడ్డంగా బుక్ అయిన జంట‌ | పెళ్లి అనేది ఎవ‌రి జీవితంలో అయినా ఒకేసారి వ‌స్తుంది. అందుకే.. త‌మ పెళ్లి జీవితాంతం గుర్తుండిపోయాలా.. పెళ్లినాటి

December 13, 2021 / 05:41 PM IST

త‌మ పెళ్లిని వెరైటీగా చేసుకోవాల‌నుకొని అడ్డంగా బుక్ అయిన జంట‌.. వైర‌ల్ వీడియో

పెళ్లి అనేది ఎవ‌రి జీవితంలో అయినా ఒకేసారి వ‌స్తుంది. అందుకే.. త‌మ పెళ్లి జీవితాంతం గుర్తుండిపోయాలా.. పెళ్లినాటి మ‌ధుర జ్ఞాప‌కాల‌ను జీవితాంతం నెమ‌రువేసుకునేలా స‌రికొత్త‌గా ప్లాన్ చేస్తుంటారు కొంద‌రు. సాధార‌ణంగా పెళ్లి చేసుకుంటే ఏముంటుంది మ‌జా. కాస్త వెరైటీ ఉండాలి క‌దా.. అని ఈ మ‌ధ్య యూత్ చాలా కొత్త‌గా పెళ్లి రోజు సెల‌బ్రేట్ చేసుకుంటున్నారు.

ఈ జంట కూడా త‌మ పెళ్లికి వ‌చ్చిన అతిథులు వావ్ అనాలి అనుకున్నారు. త‌మ పెళ్లి చూసి వెళ్లి ప‌ది మందికి చెప్పుకోవాలి అనుకున్నారు. దాని కోసం.. ఈవెంట్ మేనేజ్‌మెంట్‌తో మాట్లాడి.. రౌండ్‌గా ఉండే ఓ ఊయ‌ల లాంటి ఓ సెట‌ప్‌ను ఏర్పాటు చేయించారు. పెళ్లి మండ‌పం మీద‌కు ఆ ఊయ‌ల మీద నిల‌బడి ఎంట్రీ ఇచ్చారు. దాని చుట్టూ క్రాక‌ర్స్ వెలుగులో ఒక్క‌సారి పై నుంచి దాని మీద ఆ జంట నిల‌బ‌డి వ‌స్తోంది. పై నుంచి కొంత దూరం వ‌చ్చాక‌.. కిందికి దిగే క్ర‌మంలో అది ఒక్క‌సారిగా కూలిపోయింది. దీంతో పెళ్లికూతురు, పెళ్లికొడుకు ఇద్ద‌రూ కింద‌ప‌డిపోయారు.

వాళ్ల అదృష్టం కొద్ది చిన్న గాయాల‌తో బ‌య‌ట‌ప‌డ్డారు. ఈ ఘ‌ట‌న ఛ‌త్తీస్‌ఘ‌ఢ్‌లోని రాయిపూర్‌లో చోటు చేసుకుంది. ఈవెంట్ మేనేజ్‌మెంట్ వాళ్లు చేసిన పొర‌పాటు వ‌ల్ల ఇది జ‌రిగింద‌ని తెలిసింది. పెళ్లి ముందు జ‌రిగే సంగీత్ సెల‌బ్రేష‌న్స్‌లో ఈ ఘ‌ట‌న చోటు చేసుకుంది. దీనికి సంబంధించిన వీడియో ప్రస్తుతం సోష‌ల్ మీడియాలో వైర‌ల్ అవుతోంది.

During a wedding function in Raipur, the bride and the groom were on a swing suddenly, the harness snaps and the couple take a tumble both of them are safe with minor injuries @ndtv @ndtvindia pic.twitter.com/ABHa2AMDtK
— Anurag Dwary (@Anurag_Dwary) December 13, 2021