రెండు చేతులు, ఒక కాలు లేకున్నా పోల్ డ్యాన్స‌ర్‌గా పాపుల‌ర్ అయింది.. వీడియో వైర‌ల్‌

పోల్ డ్యాన్స‌ర్‌గా పాపుల‌ర్ | ఇట‌లీలోని పెరుగియాకు చెందిన‌ 15 ఏళ్ల ఫ్రాన్సెస్కా సెసార‌ని పుట్ట‌డ‌మే చేతులు లేకుండా.. ఒకే కాలుతో పుట్టింది. దీంతో త‌న సొంతంగా ఏ ప‌నీ చేసుకోలేదు

December 12, 2021 / 10:02 PM IST

రెండు చేతులు, ఒక కాలు లేకున్నా పోల్ డ్యాన్స‌ర్‌గా పాపుల‌ర్ అయింది.. వీడియో వైర‌ల్‌

ఇట‌లీలోని పెరుగియాకు చెందిన‌ 15 ఏళ్ల ఫ్రాన్సెస్కా సెసార‌ని పుట్ట‌డ‌మే చేతులు లేకుండా.. ఒకే కాలుతో పుట్టింది. దీంతో త‌న సొంతంగా ఏ ప‌నీ చేసుకోలేదు. ఆహారం కూడా తీసుకోలేదు. దీంతో త‌న త‌ల్లి త‌న‌ను 24 గంట‌లు ద‌గ్గ‌రుండి చూసుకోవాల్సి వ‌చ్చింది.

కానీ.. ఫ్రాన్సెస్కా పెరిగి పెద్దగా అవుతున్న కొద్దీ.. త‌న‌కు ఓ ల‌క్ష్యం ఏర్ప‌డింది. అదే అక్రోబాటిస్ పోల్ డ్యాన్స‌ర్‌(acrobatic pole dancer). అంటే పోల్ డ్యాన్స్ చేస్తూ విన్యాసాలు చేయ‌డం అన్న‌మాట‌. నిజానికి.. పోల్ డ్యాన్స్ చేయ‌డం అనేది అంత చిన్న విష‌యం కాదు. ఫ్రాన్సెస్కాకు అస్స‌లు కుద‌ర‌దు. త‌న‌కు చేతులు లేవు. ఒక కాలు లేదు. అమ్మా.. నేను పోల్ డ్యాన్స‌ర్‌ని అవుతా.. అని చెప్పిన‌ప్పుడు త‌న త‌ల్లి ఆశ్చ‌ర్య‌పోయింది. ఇటీవ‌ల 2021 లో ఇంట‌ర్నేష‌నల్ పోల్ స్పోర్ట్స్ ఫెడ‌రేష‌న్‌లో వ‌ర్చువ‌ల్ వ‌ర‌ల్డ్ పోల్, ఏరియ‌ల్ చాంపియ‌న్‌షిప్‌లో పార్టిసిపేట్ చేసింది ఫ్రాన్సెస్కా.

కోవిడ్ వ‌ల్ల‌.. పోల్ డ్యాన్స‌ర్లు అంద‌రూ వాళ్ల పోల్ డ్యాన్స్‌కు సంబంధించిన వీడియోలను వ‌ర్చువ‌ల్‌గా జ‌డ్జిల‌కు పంపించ‌గా.. అంగ వైక‌ల్యం కేట‌గిరీలో ఫ్రాన్సెస్కా గోల్డ్ మెడ‌ల్‌ను సాధించింది.

చిన్న‌ప్ప‌టి నుంచే కృత్రిమ కాలును పెట్టుకొని.. ఫ్రాన్సెస్కా పోల్ డ్యాన్సింగ్‌లో శిక్ష‌ణ పొంది నేడు అంద‌రూ గ‌ర్వించ‌ద‌గ్గ పోల్ డ్యాన్స‌ర్‌గా ఎదిగింది.

త‌న‌కు రెండు చేతులు, ఒక కాలు లేకున్నా.. ఎంతో క‌ష్ట‌ప‌డి పోల్ డ్యాన్స‌ర్‌గా విజ‌యం సాధించింది. త‌న‌కు ఏం కావాలో.. జీవితంలో ఏం సాధించాలో ఓ క్లారిటీ ఉంది. అందుకే.. త‌న ల‌క్ష్యాన్ని చేరుకునేందుకు మేము ఎప్పుడూ ప్రోత్స‌హిస్తూనే ఉంటాం.. అని ఫ్రాన్సెస్కా తండ్రి మార్కో తెలిపారు.

WATCH: Meet the Italian teen with one leg and no hands finding freedom in acrobatic pole dancing https://t.co/Bmwak6cP8g pic.twitter.com/DTyAHY7y3Z
— Reuters (@Reuters) December 11, 2021