ఒక్క క్ష‌ణం ఆల‌స్య‌మైనా.. ఆ వృద్ధుడి ప్రాణాలు గాల్లో క‌లిసిపోయేవి.. వైర‌ల్ వీడియో

ఆ వృద్ధుడి ప్రాణాలు గాల్లో క‌లిసిపోయేవి | ఒకే ఒక్క క్ష‌ణం ఆల‌స్య‌మైనా ఆ ప్యాసెంజ‌ర్ ప్రాణాలు గాల్లో క‌లిసిపోయేవి. ఎంతో చాక‌చ‌క్యంగా వ్య‌వ‌హ‌రించి.. ఆర్పీఎఫ్ కానిస్టేబుల్ ఒక వ్య‌క్తిని రైలు కింద ప‌డ‌కుండా ప్రాణాలు కాపాడ‌గ‌లిగాడు

December 12, 2021 / 08:52 PM IST

ఒక్క క్ష‌ణం ఆల‌స్య‌మైనా.. ఆ వృద్ధుడి ప్రాణాలు గాల్లో క‌లిసిపోయేవి.. వైర‌ల్ వీడియో

ఒకే ఒక్క క్ష‌ణం ఆల‌స్య‌మైనా ఆ ప్యాసెంజ‌ర్ ప్రాణాలు గాల్లో క‌లిసిపోయేవి. ఎంతో చాక‌చ‌క్యంగా వ్య‌వ‌హ‌రించి.. ఆర్పీఎఫ్ కానిస్టేబుల్.. ఒక వ్య‌క్తిని రైలు కింద ప‌డ‌కుండా ప్రాణాలు కాపాడ‌గ‌లిగాడు. ఈ ఘ‌ట‌న అస్సాంలోని టిన్సుకియాలో చోటు చేసుకుంది.

టిన్సుకియా రైల్వే స్టేష‌న్‌లో అప్పుడే గౌహ‌తి లెడో ఇంట‌ర్‌సిటీ ఎక్స్‌ప్రెస్ రైలు ప్లాట్‌ఫామ్ మీద‌కు వ‌చ్చింది. ప్యాసెంజ‌ర్లు అంద‌రూ ఎక్కారు. ట్రెయిన్ క‌దిలింది. ఇంత‌లో ఓ ముసలాయ‌న‌.. రైలు ఎక్కబోయాడు. వెళ్తున్న రైలును ఎక్కేందుకు కొంత దూరం ప‌రిగెత్తాడు. ఆ త‌ర్వాత ట్రెయిన్ మెట్లు ప‌ట్టుకొని ఎక్క‌బోయాడు.. ప‌ట్టుత‌ప్పాడు. కొంత దూరం వ‌ర‌కు అలాగే.. ప్లాట్‌ఫామ్, ట్రెయిన్ మ‌ధ్య లాక్కొని ముందుకు వెళ్లిపోయాడు. ఇంత‌లో అక్క‌డే ఉన్న కానిస్టేబుల్ వెంట‌నే ఆ వృద్ధుడిని ప్లాట్‌ఫామ్ మీద‌కు లాగాడు. ఒక్క క్ష‌ణం ఆల‌స్య‌మై ఉన్నా.. ఆ వృద్ధుడు రైలు కింద ప‌డి చ‌నిపోయేవాడే.

ఎంతో సాహ‌సంతో చాక‌చ‌క్యంగా వ్య‌వ‌హ‌రించి.. ఆ వృద్ధుడి ప్రాణాల‌ను కాపాడిన రైల్వే పోలీసును అంద‌రూ ప్ర‌శంస‌ల ముంచెత్తారు. ఈ ఘ‌ట‌న స్టేష‌న్‌లోని సీసీటీవీ కెమెరాలో రికార్డు అయింది. ఆ వీడియోను ఆర్పీఎఫ్ టిన్సుకియా డివిజ‌న్.. త‌న ట్విట్ట‌ర్ ఖాతాలో షేర్ చేసింది.

On 11.12.21 on duty HC/A.B.Sikdar of RPF/Post/TSK promptly saved an old aged passenger while he tried to board in T/No.15603 Up (GHY – LLO) at TSK Rly station passenger's leg slipped in the running train & dragged with the train up to some distance @drm_tsk
@RPFNFR pic.twitter.com/lOrpGIaeQd
— RPF TINSUKIA DIV (@rpfnfrtsk_) December 11, 2021