Student | ఆలస్యంగా నిద్ర లేచింది.. పరీక్ష కేంద్రానికి వెళ్తే నో ఎంట్రీ

Student | 15 నిమిషాలు ఆలస్యంగా రావడంతో విద్యార్థినిని అధికారులు పరీక్షా కేంద్రంలోనికి అనుమతించలేదు. విద్యార్థిని, తన తండ్రి ఎంత బ్రతిమిలాడినా నిబంధనల కారణంగా పరీక్షకు అనుమతించలేదు. దీంతో చేసేదేమి లేక విద్యార్థిని వెనుతిరిగిపోయింది.

February 25, 2026 / 08:12 PM IST

Student | ఆలస్యంగా నిద్ర లేచింది.. పరీక్ష కేంద్రానికి వెళ్తే నో ఎంట్రీ

Student | జగిత్యాల టౌన్, ఫిబ్రవరి 25 : జగిత్యాల జిల్లా కేంద్రంలోని ఎస్.కె.ఎన్.ఆర్ ప్రభుత్వ జూనియర్ కళాశాలలో ఏర్పాటు చేసిన పరీక్షా కేంద్రానికి ఇంటర్ ఫస్ట్ ఇయర్ విద్యార్థిని అష్రా మెహీన్ 15 నిమిషాలు ఆలస్యంగా రావడంతో అధికారులు పరీక్షా కేంద్రంలోనికి అనుమతించలేదు. విద్యార్థిని, తన తండ్రి ఎంత బ్రతిమిలాడినా నిబంధనల కారణంగా పరీక్షకు అనుమతించలేదు. దీంతో చేసేదేమి లేక విద్యార్థిని వెనుతిరిగిపోయింది.

రంజాన్ ప్రారంభమైన రోజు వల్ల ఉపవాస దీక్షలో ఉన్న విద్యార్థిని.. రాత్రి 3 గంటలకు భోజనం చేసి కొంత సేపు నిద్రపోయి లేస్తాననుకున్న విద్యార్థిని తీరా లేచేసరికి సమయం ఉదయం 8:40 గంటలు అయ్యింది. హుటాహుటిన తయారై తండ్రితో కలిసి జిల్లా కేంద్రంలోని ఇస్లాంపురా నుంచి పరీక్షా కేంద్రానికి బయలుదేరింది. కొంత దూరం రాగానే వాహనంలో పెట్రోల్ అయిపోవడంతో మరింత ఆలస్యమైంది. చివరకు విద్యార్థిని పరీక్షా కేంద్రానికి చేరుకోగానే 9:15 నిమిషాలు సమయం కావడంతో అధికారులు లోనికి అనుమతించలేదు.

విద్యార్థిని తండ్రి, విద్యార్థిని ఎంత బ్రతిమిలాడినా నిబంధనల ప్రకారం అధికారులు నిరాకరించడంతో నిరాశతో విద్యార్థిని వెనుతిరిగిపోయింది. విద్యార్థిని పరీక్ష రాయలేకపోవడంతో ఆమె కుటుంబ సభ్యులు ఆవేదనకు గురయ్యారు.

Student