సౌదీ ఎయిర్‌బేస్‌పై దాడి మా ప‌నే: హైతీ తిరుగుబాటుదారులు

సౌదీ అరేబియా వైమానిక స్థావరంపై ఇటీవల జరిగిన డ్రోన్ దాడికి యెమెన్ హైతీ తిరుగుబాటుదారులు బాధ్యత వహించారు

April 22, 2021 / 02:50 PM IST

సౌదీ ఎయిర్‌బేస్‌పై దాడి మా ప‌నే: హైతీ తిరుగుబాటుదారులు

సనా : సౌదీ అరేబియా వైమానిక స్థావరంపై ఇటీవల జరిగిన డ్రోన్ దాడికి యెమెన్ హైతీ తిరుగుబాటుదారులు బాధ్యత వహించారు. ఈ మేర‌కు గురువారం ఒక ప్ర‌క‌ట‌న విడుద‌ల చేశారు. సౌదీ అరేబియాలోని నైరుతి నగరమైన ఖామిస్ ముషైట్‌లోని కింగ్ ఖలీద్ వైమానిక స్థావరాన్ని లక్ష్యంగా చేసుకున్నట్లు ఈ సంస్థ పేర్కొన్న‌ది. దాడి ఖచ్చితమైనదని హౌతీ మిలిటరీ ప్రతినిధి యేయా సరియా విడుదల చేసిన ప్రకటనలో తెలిపారు. అయితే, హైతీ తిరుగుబాటుదారులు యెమెన్ నుంచి జరిపిన డ్రోన్ దాడిని సైన్యం అడ్డుకున్నట్లు సౌదీ యాజమాన్యంలోని అల్ అరేబియా టీవీ వార్త‌లు నివేదించాయి.

2014 నుంచి యెమెన్‌లో అంతర్యుద్ధం కొనసాగుతున్న‌ది. సౌదీ అరేబియా కూడా 2015 నుంచి ఈ యుద్ధంలో పాల్గొంటున్న‌ది. అక్కడి ప్రభుత్వానికి మద్దతు ఇస్తుండటం హైతీ తిరుగుబాటుదారుల‌కు ఆగ్ర‌హం తెప్పిస్తున్న‌ది. అందువల్ల, సౌదీ అరేబియా సరిహద్దు ప్రాంతాలను కూడా హైతీ తిరుగుబాటుదారులు లక్ష్యంగా చేసుకున్నారు. దానిలో భాగంగానే ఇటీవ‌ల సౌదీ వైమానిక స్థావ‌రంపై వారు డ్రోన్ దాడుల‌కు తెగ‌బ‌డ్డారు.