ఐక్యరాజ్య సమితి ముఖ్య కమిటీల్లో భారత్‌ సభ్యత్వం

ఐక్యరాజ్య సమితి (యూఎన్) లోని మూడు ముఖ్యమైన కమిటీల్లో భారతదేశం సభ్యత్వం పొందింది

April 21, 2021 / 06:10 PM IST

ఐక్యరాజ్య సమితి ముఖ్య కమిటీల్లో భారత్‌ సభ్యత్వం

న్యూయార్క్‌ : ఐక్యరాజ్య సమితి (యూఎన్) లోని మూడు ముఖ్యమైన కమిటీల్లో భారతదేశం సభ్యత్వం పొందింది. ఆర్థిక, సామాజిక కమిటీల్లో సభ్యునిగా చేరిన భారత్‌.. మూడేండ్లుగా మహిళా సాధికారత కోసం లింగ సమానత్వం, మహిళల సాధికారత కోసం యూఎన్ ఎంటిటీ ఫర్ ఈక్వాలిటీలో భారత్ సభ్యత్వం పొందింది.

ఈ సభ్యత్వం పదవీకాలం వచ్చే ఏడాది జనవరి 1 నుంచి ప్రారంభమవుతుంది. ప్రపంచ ఆహార కార్యక్రమంలో భారతదేశాన్ని ఇప్పటికే ఎగ్జిక్యూటివ్ బోర్డులో చేర్చారు. ఇందులో ఫ్రాన్స్, ఘనా, కొరియా, రష్యా, స్వీడన్ దేశాలు కూడా ఉన్నాయి.

క్రైం ప్రివెన్షన్ అండ్ క్రిమినల్ కమిషన్‌లో 2022 జనవరి 1 నుంచి మూడేండ్ల కాలానికి భారత్ ఎన్నికైంది. అదే సమయంలో, ఆస్ట్రియా, బహ్రెయిన్, బెలారస్, బల్గేరియా, కెనడా, ఫ్రాన్స్, ఘనా, లిబియా, పాకిస్తాన్, ఖతర్, థాయిలాండ్, టోగో, అమెరికా కూడా మౌఖిక ఆమోదంతో ఎన్నుకోగా.. బ్రెజిల్, డొమినికన్ రిపబ్లిక్, ప్రేగ్, చిలీ, క్యూబా రహస్య ఓటు ద్వారా ఎంపికయ్యాయి.

ఐక్యరాజ్య సమితి లింగ సమానత్వం, మహిళా సాధికారత సంఘం ఎగ్జిక్యూటివ్ బోర్డులో మూడేండ్ల కాల పరిమితికి భారతదేశం ఎన్నికైంది. ఐక్యరాజ్య సమితి సంస్థలలో ఆఫ్ఘనిస్తాన్, ఆస్ట్రేలియా, బంగ్లాదేశ్, కామెరూన్, కొలంబియా, డొమినికన్ రిపబ్లిక్, ఈజిప్ట్, గాంబియా, గయానా, కెన్యా, మొనాకో, పోలాండ్, దక్షిణాఫ్రికా, థాయిలాండ్, తుర్క్మెనిస్తాన్, ఉక్రెయిన్ ఉన్నాయి.

ఇది కాకుండా, ప్రపంచ ఆహార కార్యక్రమం ఎగ్జిక్యూటివ్ బోర్డులో కూడా భారతదేశం ఎన్నికైంది. ఈ పదవీకాలం కూడా వచ్చే ఏడాది జనవరి 1 నుంచే మొదలవుతుంది. ఫ్రాన్స్, ఘనా, రిపబ్లిక్ ఆఫ్ కొరియా, రష్యా, స్వీడన్ దేశాలు కూడా ఆమోదం ద్వారా ఎన్నికయ్యాయి.

ఐక్యరాజ్య సమితి భద్రతా మండలిలో భారతదేశం ఇప్పటికే మూడు ముఖ్యమైన కమిటీలలో సభ్యునిగా ఉన్నది. వీటిలో తాలిబాన్ సెక్షన్ కమిటీ, లిబియా సెక్షన్ కమిటీ, ఉగ్రవాద నిరోధక కమిటీ ఉన్నాయి. ఈ ఏడాది ఐక్యరాజ్య సమితి భద్రతా మండలిలో తాత్కాలిక సభ్యుడిగా భారత్ ఎనిమిదోసారి తన సభ్యత్వాన్ని ప్రారంభించింది.