యుద్ధం కొనసాగుతుంది: బెంజిమిన్ నెత‌న్యాహు

ఈ యుద్ధం కొన‌సాగుతుంది అని ఇజ్రాయెల్ ప్ర‌ధాన‌మంత్రి బెంజిమిన్ నెత‌న్యాహు స్ప‌ష్టం చేశారు. మాపై కాలు దువ్విన హ‌మాస్‌కు త‌గిన గుణ‌పాఠం చెప్పేంత వ‌ర‌కు వెనుకంజ వేయ‌మ‌న్నారు

May 16, 2021 / 09:53 PM IST

యుద్ధం కొనసాగుతుంది: బెంజిమిన్ నెత‌న్యాహు

గాజా : ఈ యుద్ధం కొన‌సాగుతుంది అని ఇజ్రాయెల్ ప్ర‌ధాన‌మంత్రి బెంజిమిన్ నెత‌న్యాహు స్ప‌ష్టం చేశారు. మాపై కాలు దువ్విన హ‌మాస్‌కు త‌గిన గుణ‌పాఠం చెప్పేంత వ‌ర‌కు వెనుకంజ వేయ‌మ‌న్నారు. ఆదివారం ఆయ‌న టెలివిజ‌న్ ప్ర‌సంగం చేశారు. ఈ సంద‌ర్భంగా ఆయ‌న పాల‌స్తీనాను, హ‌మాస్ ఉగ్ర‌వాదుల‌ను తీవ్రంగా హెచ్చ‌రించారు. ఆదివారం గాజా న‌గ‌రంలో దాదాపు 42 మందిని ఇజ్రాయెల్ పొట్ట‌న‌పెట్టుకున్న‌ది.

ఆదివారం గాజా నగరంలో ఇజ్రాయెల్ వైమానిక దాడులు చేప‌ట్టి మూడు భవనాలను పూర్తిగా నేల‌మ‌ట్టం చేసింది. ఈ వైమానిక దాడిలో కనీసం 42 మంది చ‌నిపోయిన‌ట్లు తెలుస్తున్న‌ది. ఇజ్రాయెల్-గాజాలో పాలస్తీనియన్ల మధ్య నాలుగో యుద్ధానికి ఇజ్రాయెల్ ప్రధాన మంత్రి బెంజమిన్ నెతన్యాహు సంకేతాలు ఇవ్వడంతో కాల్పులు భీక‌రంగా కొన‌సాగుతున్నాయి. మ‌రోవైపు కాల్పుల విరమణకు అంతర్జాతీయ సంస్థ‌లు త‌మ వంతు ప్రయత్నాలు ముమ్మ‌రం చేశాయి.

ఈ నేప‌థ్యంలో టెలివిజ‌న్ ప్ర‌సంగం చేసిన నెత‌న్యాహు.. యుద్ధం కొనసాగుతుంద‌ని, మాపై యుద్ధానికి దిగిన హమాస్‌కు స‌రైన బుద్ధి చెప్పేంత‌వ‌ర‌కు ముందుకెళ‌తాం అని ప్ర‌క‌టించారు. హమాస్‌పై క‌ఠిన చ‌ర్య‌లు తీసుకుంటామ‌ని స్ప‌ష్టం చేశారు.