కేపీ ఒలి విశ్వాస ప‌రీక్ష‌కు అడ్డంకిగా క‌రోనా..!

క‌రోనా వైర‌స్ నేపాల్‌లో కేపీ ఒలి పాలిట శ‌తృవుగా త‌యారైంది. రేపు ఉద‌యం విశ్వాస‌ప‌రీక్ష నిర్వ‌హించ‌నుండ‌గా.. ఒక్క రోజు ముందు న‌లుగురు మంత్రుల‌తోపాటు 26 మంది ఎంపీలు క‌రోనా బారిన ప‌డ్డారు

May 9, 2021 / 09:07 PM IST

కేపీ ఒలి విశ్వాస ప‌రీక్ష‌కు అడ్డంకిగా క‌రోనా..!

ఖాట్మండు : క‌రోనా వైర‌స్ నేపాల్‌లో కేపీ ఒలి పాలిట శ‌తృవుగా త‌యారైంది. రేపు ఉద‌యం విశ్వాస‌ప‌రీక్ష నిర్వ‌హించ‌నుండ‌గా.. ఒక్క రోజు ముందు న‌లుగురు మంత్రుల‌తోపాటు 26 మంది ఎంపీలు క‌రోనా బారిన ప‌డ్డారు. దాంతో విశ్వాస ప‌రీక్ష ఎదుర్కోనున్న కేపీ ఒలికి స‌మ‌స్య‌లు పెరిగాయి. రేప‌టి బ‌ల‌ప‌రీక్ష జ‌రుగుతుందా లేదా అన్న‌ది కూడా అనుమానంగానే ఉన్న‌ది. ఒక‌వేళ బ‌ల‌ప‌రీక్ష వాయిదా ప‌డితే ఒలి ప్ర‌భుత్వం గ‌ట్టెక్కుతుంది. లేదంటే వెంట‌నే రాజీనామా స‌మ‌ర్పించాల్సి ఉంటుంది. కేపీ శ‌ర్మ ఒలి ప్ర‌భుత్వానికి క‌మ్యూనిస్ట్ పార్టీ ఆఫ్ నేపాల్ (మావోయిస్ట్ సెంట‌ర్‌) ప్ర‌చండ వ‌ర్గం మ‌ద్దతు ఉప‌సంహ‌రించుకోవ‌డంతో విశ్వాస ప‌రీక్ష త‌ప్ప‌నిస‌రైంది.

మైనారిటీలో నడుస్తున్న నేపాల్ కేపీ ఒలి ప్రభుత్వ విశ్వసనీయ ఓటును పొందడానికి కరోనా అడ్డంకిగా మారింది. ప్ర‌త్యేక సమావేశానికి ముందు నలుగురు మంత్రులతోపాటు 26 మంది ఎంపీలు వ్యాధి బారిన పడి చికిత్స తీసుకుంటున్నారు. విశ్వాస ఓటు పొందడానికి మే 10 గా ఆ దేశ అధ్య‌క్షుడు నిర్ణయించారు. ప్రత్యేక సమావేశానికి ముందు ఎంపీలందరికీ పీసీఆర్ పరీక్ష నిర్వ‌హించ‌నున్నారు. పెద్ద సంఖ్యలో ఎంపీలు క‌రోనా వైర‌స్‌కు గుర‌వ‌డం వల్ల ఆందోళన పెరిగింది. వ్యాధి సోకిన నలుగురు మంత్రుల్లో ఇద్దరు ఇంకా ఎంపీలు కాలేదు.

ప్రస్తుతం 271 మంది సభ్యులు నేపాల్ దిగువ సభలో జరిగే ట్రస్ట్ ఓటులో పాల్గొననున్నారు. తన ప్రభుత్వాన్ని కాపాడుకోవ‌డానికి ప్రధాని ఒలికి 136 ఓట్లు అవసరం.