క్రికెట్ ఆడే ఏనుగును ఎక్క‌డైనా చూశారా..? .. వీడియో వైర‌ల్‌

క‌రోనా పంజా విస‌ర‌డంతో ఐపీఎల్ ర‌ద్ద‌యి ఎక్క‌డి వాళ్లు అక్క‌డ గ‌ప్‌చుప్‌గా ఉండిపోయారు. ఈ నేప‌థ్యంలో ఓ ఏనుగు హాయిగా త‌న జ‌ట్టుతో క‌లిసి క్రికెట్ ఆడుతూ ఆక‌ర్శిస్తున్న‌ది.

May 9, 2021 / 01:47 PM IST

క్రికెట్ ఆడే ఏనుగును ఎక్క‌డైనా చూశారా..? .. వీడియో వైర‌ల్‌

ఎంచ‌క్కా ఫోర్లు, సిక్స్లు కొడుతుంటే ఎంజాయ్ చేయాల్సిన ఐపీఎల్ ర‌ద్దుతో క్రికెట్ అభిమానులు నిరుత్సాహానికి గుర‌య్యారు. క‌రోనా పంజా విస‌ర‌డంతో ఐపీఎల్ ర‌ద్ద‌యి ఎక్క‌వాళ్లు అక్క‌డ గ‌ప్‌చుప్‌గా ఉండిపోయారు. ఈ నేప‌థ్యంలో ఓ ఏనుగు హాయిగా త‌న జ‌ట్టుతో క‌లిసి క్రికెట్ ఆడుతూ ఆక‌ర్శిస్తున్న‌ది.

సోష‌ల్ మీడియాలో యాక్టీవ్‌గా ఉండే మాజీ ఇంగ్లిష్‌ క్రికెటర్ మైఖేల్ వాన్.. రకరకాల మీమ్స్, వ్యాఖ్యలను పోస్ట్ చేస్తూ ఉంటాడు. ఇప్పుడు ఏనుగు క్రికెట్ ఆడుతున్న వీడియోను షేర్ చేశాడు. ఈ వీడియోలో ఏనుగు బ్యాటింగ్ చేస్తూ అల‌రిస్తోంది. కొంత మంది యువ‌కులు పెద్ద ఏనుగుకు బంతులు విసురుతుండ‌గా.. మ‌రికొంద‌రు ఫీల్డింగ్ చేస్తున్నారు. తొండంతో బ్యాచ్ ప‌ట్టుకుని అనుభ‌వజ్ఞుడైన క్రికెట‌ర్ మాదిరిగా అన్ని బంతుల‌ను ఆడేస్తూ ఏనుగు ఆక‌ట్టుకున్న‌ది. జ‌ట్టు స‌భ్యులతో క‌లిసి హాయిగా క్రికెట్ ఆడుతున్న ఏనుగు వీడియో సోష‌ల్ మీడియాలో వైర‌ల్‌గా మారింది. ఈ క్రికెట్ ఆడుతున్న ఏనుగు వీడియో ద‌క్షిణ భార‌త‌దేశంలోని ఒక రాష్ట్రానికి చెందిన‌దిగా తెలుస్తున్న‌ది.

Surely the Elephant has an English passport !! https://t.co/scXx7CIZPr
— Michael Vaughan (@MichaelVaughan) May 8, 2021

ఈ ఏనుగుకు క‌చ్చితంగా ఇంగ్లిష్ పాస్‌పోర్ట్ ఉన్న‌ద‌ని మైఖేల్ వాన్ కామెంట్ రాశారు. దీన్ని ఇంగ్లండ్‌కు పంపించాల‌ని సూచించారు. డేవిడ్ మ‌ల‌న్‌కు బ‌దులుగా ఈ ఏనుగుకు టీ20 లో అవ‌కాశం ఇవ్వాల‌ని మ‌రో నెటిజెన్ కామెంట్ చేశారు. ఏనుగు క్రికెట్ ఆడుతున్న వీడియో భారతదేశంలోని దక్షిణ భారత రాష్ట్రానికి చెందినది.