యూపీలో కరోనా కర్ఫ్యూ మే 17 వరకు పొడ‌గింపు

ఉత్తర ప్రదేశ్ రాష్ట్రంలో లాక్‌డౌన్‌ను ఈ నెల 17 వ‌ర‌కు పొడ‌గించారు. క‌రోనా వైర‌స్ వ్యాప్తికి అడ్డుక‌ట్ట వేసేందుకు యూపీ ప్ర‌భుత్వం క‌ట్టుదిట్ట‌మైన చ‌ర్య‌లు తీసుకుంటున్న‌ది

May 9, 2021 / 02:01 PM IST

యూపీలో కరోనా కర్ఫ్యూ మే 17 వరకు పొడ‌గింపు

లక్నో : ఉత్తర ప్రదేశ్ రాష్ట్రంలో లాక్‌డౌన్‌ను ఈ నెల 17 వ‌ర‌కు పొడ‌గించారు. క‌రోనా వైర‌స్ వ్యాప్తికి అడ్డుక‌ట్ట వేసేందుకు యూపీ ప్ర‌భుత్వం క‌ట్టుదిట్ట‌మైన చ‌ర్య‌లు తీసుకుంటున్న‌ది. మే 14 న పంచాయతీ ఎన్నికలు, అనంత‌రం రంజాన్‌ పండుగ తర్వాత గ్రామాల్లో వ్యాప్తి చెందకుండా ఉండేందుకు లాక్‌డౌన్‌ను పొడ‌గించేందుకు ప్ర‌భుత్వం నిర్ణ‌యం తీసుకున్న‌ది. తొలుత‌ ఏప్రిల్ 29 న వారాంత‌పు బంద్ చేప‌ట్టారు. తర్వాత దానిని మే 4, మే 6 వ‌రకు, ఆ తర్వాత మే 10 వరకు పొడ‌గించారు. ఇప్పుడు యోగి ప్రభుత్వం మళ్ళీ కరోనా కర్ఫ్యూను మే 17 న ఉదయం 7 గంటల వరకు పొడిగించింది.

ముఖ్యమంత్రి యోగి ఆదిత్యనాథ్ టీం -9 తో ఆదివారం జరిపిన సమీక్ష సమావేశంలో లాక్‌డౌన్‌ కొనసాగించాలని నిర్ణయించారు. కరోనా ఇన్‌ఫెక్ష‌న్ చైన్‌ను విచ్ఛిన్నం చేయడానికి కరోనా కర్ఫ్యూను మరోసారి మే 17 న ఉదయం ఏడు గంటల వ‌ర‌కు పొడిగించారు. ఈ సమయంలో అన్ని ఆంక్షలు మునుపటిలాగే అమలులో ఉంటాయని, అవసరమైన సేవలకు మినహాయింపు కొనసాగుతుందని అధికారులు తెలిపారు. అనవసరంగా రోడ్ల‌పై తిరిగే వారిపై కఠిన చర్యలు తీసుకుంటారని వారు చెప్పారు. ప్రోటోకాల్‌ను క‌చ్చితంగా అమలు చేస్తేనే కరోనా కర్ఫ్యూ ప్రయోజనం విజయవంతమవుతుందని ముఖ్య‌మంత్రి యోగి ఆదిత్యనాథ్ పేర్కొన్నారు.