అమెరికా ఆకాశంలో గుర్తుతెలియ‌ని వ‌స్తువులు.. నిజానికి అవేంటంటే..!

అమెరికాలోని కొన్ని ప్రాంతాల్లో గ‌త రెండు, మూడు రోజులుగా రాత్రి వేళ ఆకాశంలో గుర్తుతెలియ‌ని వ‌స్తువులు (యూఎఫ్ఓ) క‌నిపించాయి. వాటిని ఫ్లయింగ్ సాస‌ర్స్ కావ‌చ్చేమో అని ప్ర‌జ‌లు అనుమానిస్తున్నారు

May 9, 2021 / 06:26 PM IST

అమెరికా ఆకాశంలో గుర్తుతెలియ‌ని వ‌స్తువులు.. నిజానికి అవేంటంటే..!

ఫిలడెల్ఫియా : అమెరికాలోని కొన్ని ప్రాంతాల్లో గ‌త రెండు, మూడు రోజులుగా రాత్రి వేళ ఆకాశంలో గుర్తుతెలియ‌ని వ‌స్తువులు (యూఎఫ్ఓ) క‌నిపించాయి. వాటిని ఫ్లయింగ్ సాస‌ర్స్ కావ‌చ్చేమో అని ప్ర‌జ‌లు అనుమానిస్తున్నారు. అయితే, అవి యూఎఫ్ఓ వంటివి కావ‌ని ఔత్సాహిక పరిశీలకులు, వృత్తిపరమైన ఖగోళ శాస్త్రవేత్తలు భావిస్తున్నారు.

లైట్లతో ప్ర‌కాశ‌వంతంగా క‌నిపించిన గుర్తుతెలియ‌ని వ‌స్తువుల‌ను ఆకాశంలో చూసిన‌ట్లు ప‌లు ప్రాంతాల ప్ర‌జ‌లు చెప్తున్నారు. అయితే, ఇవి నిజానికి ఎలోన్ మ‌స్క్‌కు చెందిన సంస్థ స్పేస్ ఎక్స్ ఈ వారం ప్ర‌యోగించిన స్టార్‌లింక్ ఇంట‌ర్నెట్ సేవ‌లో ప్ర‌యోగించిన స్వ‌ల్ప శ్రేణి ఉప‌గ్ర‌హాల వ‌రుస‌గా భావిస్తున్నారు. టెక్సాస్ నుంచి విస్కాన్సిన్ వరకు నివాసితులు ఈ ప్ర‌కాశ‌వంత‌మైన‌ లైట్ల గురించి టీవీ ఛానెళ్లకు ఫోన్‌ చేసి సమాచారం ఇస్తున్నారు. అలాగే త‌మ సందేహాల‌ను నివృత్తి చేసుకునేందుకు ప్ర‌య‌త్నించారు.

స్పేస్‌ఎక్స్ సంస్థ ప్రతినిధికి పంపిన ఈ మెయిల్‌కు శనివారం వరకు స్పందన రాలేదు. కాని ఖగోళ శాస్త్రవేత్తలు బ్యాక్-టు-బ్యాక్ లైట్లలో ఒకదాన్ని.. భూమి నుంచి వాటి దూరం ఆధారంగా స్టార్‌లింక్ ఉపగ్రహాలుగా గుర్తించడం చాలా సులువ‌ని చెప్పారు.

‘మీరు ఈ స్టార్‌లింక్ ఉపగ్రహాలను కొన్ని అసలు కక్ష్యల నుంచి ఒకదాని తర్వాత ఒకటి వచ్చే లైట్ల వంటి పూసల శ్రేణిలా కనిపిస్తుంటాయి. ఈ నెల‌లో స్పేస్‌ఎక్స్ ఇప్పటికే అనేక ఉపగ్రహాలను ప్రయోగించింది. ఇవన్నీ ఇంటర్నెట్‌కు ప్రాప్యతను తగ్గించే ప్రణాళికలో భాగం అని అమెరికన్ ఆస్ట్రోనామికల్ సొసైటీ ప్రెస్ ఆఫీసర్ డాక్టర్ రిచర్డ్ ఫిన్బెర్గ్ చెప్పారు.