ర్యాంకింగ్ విధానం : న్యూయార్క్ మేయ‌ర్ ఎన్నిక‌లో అమ‌లు

మొదటిసారిగా అమెరికాలో ర్యాంకింగ్ విధానంలో ఎన్నిక‌లు నిర్వ‌హిస్తున్నారు. న్యూయార్క్ మేయర్ ఎన్నికలో ఓటర్లు ర్యాంక్ ఇవ్వ‌డం ద్వారా ప్ర‌జాప్ర‌తినిధిని ఎన్నుకుంటారు

June 3, 2021 / 05:08 PM IST

ర్యాంకింగ్ విధానం : న్యూయార్క్ మేయ‌ర్ ఎన్నిక‌లో అమ‌లు

న్యూయార్క్ : మొదటిసారిగా అమెరికాలో ర్యాంకింగ్ విధానంలో ఎన్నిక‌లు నిర్వ‌హిస్తున్నారు. న్యూయార్క్ మేయర్ ఎన్నికలో ఓటర్లు ర్యాంక్ ఇవ్వ‌డం ద్వారా ప్ర‌జాప్ర‌తినిధిని ఎన్నుకుంటారు. ఈ విధానంలో ఓటర్లు ఎవ‌రో ఒక్క అభ్యర్థికి కాకుండా బ‌రిలో నిలిచిన అభ్య‌ర్థులు ర్యాంకులు ఇవ్వ‌డం ద్వారా ఎన్నుకునే వీలు క‌ల్పిస్తున్నారు. తుది అభ్యర్థి ఎంపికలో ఈ ర్యాంకింగ్ విధానం నిర్ణయాత్మకంగా ఉంటుంద‌ని రుజువు చేస్తున్న‌ది. మ‌న దేశంలో నోటా మాదిరిగా.. అభ్యర్థులను తిరస్కరించేందుకు ఓట‌ర్ల‌కు వీలు క‌ల్పిస్తున్నారు. అయితే, ఈ ర్యాంకింగ్ విధానాన్ని గజిబిజిగా ఉన్న‌దంటూ రాజ‌కీయ నిపుణులు ఆందోళ‌న వ్య‌క్తం చేస్తున్నారు. ఎనిమిది యూఎస్ రాష్ట్రాల్లోని అనేక నగరాల్లో ర్యాంకింగ్ విధానం అమల్లో ఉన్న‌ది.

మొదటి ప్రాధాన్యం ఓట్లలో ఏ అభ్యర్థికి మెజారిటీ లభించకపోతే.. ర‌న్ ఆఫ్‌ ద్వారా నిర్ణ‌యం తీసుకుంటారు. రన్ ఆఫ్‌ అంటే అతి తక్కువ మొదటి ర్యాంకింగ్ ఉన్న అభ్యర్థి ని తొల‌గించ‌డం. తొల‌గించిన వారి ఓట్లు సంబంధిత ఓటర్ల రెండవ ఎంపిక ర్యాంకింగ్‌లో చేర్చుతారు. ఒక అభ్యర్థి మిగిలిన ఓట్ల గరిష్ఠాన్ని పొందే వరకు ఈ ప్రక్రియ కొనసాగుతుంది. అయితే, ఈ వ్యవస్థ సంక్లిష్టంగా ఉందని నిపుణులు అంటున్నారు. ఇది ఓటర్లను మరిన్ని నిర్ణయాలు తీసుకోవడానికి బలవంతం చేస్తుందని, ఫలితంగా చాలా మంది ఓటర్లు ఎక్కువ మంది అభ్యర్థులను ర్యాంక్ చేయర‌ని వారు చెప్తున్నారు.

శాన్‌ఫ్రాన్సిస్కోలో అసంపూర్ణ ర్యాంకింగ్స్ ద్వారా నిర్ణ‌యం తలక్రిందులైందన్న విష‌యాన్ని నిపుణులు గుర్తుచేస్తున్నారు. 2018 శాన్ ఫ్రాన్సిస్కో మేయర్ ఎన్నిక సంద‌ర్భంగా అభ్యర్థి లండన్ బ్రీడ్ 1 శాతం ఓట్లతో గెలుపొందగా.. 9 శాతం ఓటర్లు బ్రీడ్ లేదా రెండవ స్థానంలో ఉన్న అభ్యర్థి మార్క్ లెనోకు ర్యాంకు ఇవ్వలేదని వారు పేర్కొన్నారు. దీనివ‌ల్ల ఫ‌లితం ఆశించిన తీరుగా ఉండ‌ద‌ని వారు చెప్తున్నారు.