Daaku Maharaj | ‘డాకు మహారాజ్’ ఓఎస్టీ రిలీజ్ డేట్ ఫిక్స్.. ఎట్టకేలకు అభిమానుల చిరకాల కోరిక తీరనుందా?

Daaku Maharaj | నందమూరి నటసింహం బాలకృష్ణ హీరోగా టాలెంటెడ్ డైరెక్టర్ బాబీ కొల్లి దర్శకత్వంలో తెరకెక్కిన మాస్ అండ్ యాక్షన్ ఎంటర్‌టైనర్ చిత్రం ‘డాకు మహారాజ్’. బాక్సాఫీస్ వద్ద ఘన విజయం సాధించిన ఈ చిత్రంలో బాలకృష్ణ నటన, యాక్షన్ సీక్వెన్స్‌లు ప్రేక్షకులను ఎంతగానో అలరించాయి.

నందమూరి నటసింహం బాలకృష్ణ హీరోగా టాలెంటెడ్ డైరెక్టర్ బాబీ కొల్లి దర్శకత్వంలో తెరకెక్కిన మాస్ అండ్ యాక్షన్ ఎంటర్‌టైనర్ చిత్రం ‘డాకు మహారాజ్’. బాక్సాఫీస్ వద్ద ఘన విజయం సాధించిన ఈ చిత్రంలో బాలకృష్ణ నటన, యాక్షన్ సీక్వెన్స్‌లు ప్రేక్షకులను ఎంతగానో అలరించాయి. విక్రమ్, జైలర్ వంటి సినిమాల మాదిరిగా ఒక పక్కా మాస్ ట్రీట్‌గా నిలిచిన ఈ సినిమాకి మ్యూజిక్ సెన్సేషన్ ఎస్.ఎస్. థమన్ అందించిన సంగీతం, బ్యాక్‌గ్రౌండ్ స్కోర్ సినిమాను మరో స్థాయికి తీసుకెళ్లాయి. అయితే సినిమా ఎంత పెద్ద హిట్టయిందో, థమన్ అందించిన బ్యాక్‌గ్రౌండ్ మ్యూజిక్ (BGM) కూడా అంతే స్థాయిలో ప్రేక్షకులను ఉర్రూతలూగించింది.

దీంతో సినిమాలోని ఒరిజినల్ సౌండ్ ట్రాక్ (OST) ఎప్పుడెప్పుడు వస్తుందా అని నందమూరి అభిమానులు, సినీ ప్రేక్షకులు ఎంతో ఆసక్తిగా ఎదురుచూస్తున్నారు. అయితే ఓఎస్టీ విడుదల విషయంలో ఇప్పటివరకు ఎన్నోసార్లు డేట్లు అనౌన్స్ చేసినప్పటికీ, ఏదో ఒక కారణం వల్ల వాయిదా పడుతూ వస్తోంది. థమన్ ఇచ్చిన గత తేదీలన్నీ ఒట్టి మాటలుగానే మిగిలిపోవడంతో ఫ్యాన్స్ సోషల్ మీడియా వేదికగా నిరాశ వ్యక్తం చేస్తూ వచ్చారు. ఈ నేపథ్యంలో ఎట్టకేలకు అభిమానుల సుదీర్ఘ నిరీక్షణకు తెరదించుతూ థమన్ మరో కొత్త రిలీజ్ డేట్‌ను అధికారికంగా ప్రకటించారు.

తాజా ప్రకటన ప్రకారం ‘డాకు మహారాజ్’ ఒరిజినల్ సౌండ్ ట్రాక్ నవంబర్ 16వ తేదీ అర్ధరాత్రి 12 గంటల నుంచి ప్రముఖ మ్యూజిక్ లేబుల్ ‘ఆదిత్య మ్యూజిక్’ (Aditya Music) యూట్యూబ్ మరియు ఇతర ఆడియో ప్లాట్‌ఫారమ్‌లలో అందుబాటులో ఉంటుందని థమన్ స్పష్టం చేశారు. అంతేకాకుండా, ఇప్పటివరకు తాను అందించిన అన్ని సినిమాల ఓఎస్టీలలోకెల్లా ‘డాకు మహారాజ్’ ఓఎస్టీ అన్నింటికంటే ప్రత్యేకమైనదని, ఇది అన్ని ఓఎస్టీలకు తల్లి లాంటిదని ఆయన అభివర్ణించారు. గతంలో వాయిదాల పర్వం నడవడంతో ఈసారైనా ఇచ్చిన మాట ప్రకారం కచ్చితంగా ఓఎస్టీ వస్తుందా లేదా అని ఫ్యాన్స్ ఉత్కంఠగా ఎదురుచూస్తున్నారు. మరి థమన్ చెప్పినట్లుగానే నవంబర్ 16న బాలయ్య బాస్ మాస్ మేనియా మరోసారి డిజిటల్ వేదికగా మారుమోగుతుందో లేదో వేచి చూడాలి.

THE MOTHER OF ALL OST ‘s #DaakuOst @adityamusic @SitharaEnts

NOV – 16 th – 12 AM 📈

— thaman S (@MusicThaman) October 19, 2026