భార‌త్ నుంచి పాకిస్తాన్ విభ‌జ‌న‌.. చ‌రిత్ర‌లో ఈరోజు

భారతదేశం నుంచి కొత్త దేశం పాకిస్తాన్ విభజనను 1947 లో స‌రిగ్గా ఇదే రోజున ప్ర‌క‌టించారు. భార‌త్ నుంచి విడివ‌డి నేటికి సరిగ్గా 74 సంవత్సరాలు పూర్త‌య్యాయి. ఈ విభ‌జ‌న ప్ర‌క్రియ‌ను వైస్రాయ్ లార్డ్ మౌంట్ బాటెన్ ప్రకటించారు

June 3, 2021 / 04:09 PM IST

భార‌త్ నుంచి పాకిస్తాన్ విభ‌జ‌న‌.. చ‌రిత్ర‌లో ఈరోజు

భారతదేశం నుంచి పాకిస్తాన్‌ను విభజిస్తూ కొత్త దేశంగా 1947 లో స‌రిగ్గా ఇదే రోజున ప్ర‌క‌టించారు. భార‌త్ నుంచి విడివ‌డి నేటికి సరిగ్గా 74 సంవత్సరాలు పూర్త‌య్యాయి. ఈ విభ‌జ‌న ప్ర‌క్రియ‌ను వైస్రాయ్ లార్డ్ మౌంట్ బాటెన్ ప్రకటించారు. విభజన సమయంలో జరిగిన అల్లర్లలో లక్షలాది మంది మరణించారు. పెద్ద సంఖ్య‌లో ప్ర‌జ‌లు ప్రాణాలు అర‌చేతిలో పెట్టుకుని భార‌త్‌కు తిరిగి వ‌చ్చారు.

వాస్తవానికి, రెండవ ప్రపంచ యుద్ధం ముగిసిన తర్వాత, ఒకవైపు దేశంలో స్వాతంత్ర్యం కోసం ఉద్య‌మం పెరుగుతుండ‌గా.. మ‌రోవైపు మత శక్తులు కూడా పైకి లేచాయి. ప్రతిచోటా మత కలహాలు జరిగాయి. దేశంలో గందరగోళ వాతావరణం నెలకొన్న‌ది. చివరగా ఫిబ్రవరి 1947 లో బ్రిటిష్ ప్రభుత్వం భారతదేశ స్వాతంత్ర్యాన్ని ప్రకటించింది. ఈ బాధ్యతను అప్పటి వైస్రాయ్ ఆఫ్ ఇండియా లార్డ్ మౌంట్ బాటెన్‌కు బ్రిటిష్ ప్ర‌భుత్వం అప్పగించింది. ఒక ప్ర‌ణాళిక‌తో ముందుకు వ‌చ్చిన మౌంట్ బాటెన్‌.. ప్రావిన్సుల‌ను స్వ‌తంత్ర రాష్ట్రాలుగా ప్ర‌క‌టించాల‌ని ప్ర‌తిపాదించాడు. ఈ ప్రణాళికను ‘డిక్కీ బర్డ్ ప్లాన్’ అని పిలిచేవారు. జవహర్‌లాల్ నెహ్రూ ఈ ప్రణాళికను వ్యతిరేకించారు. ఇది దేశాన్ని ముక్కలుగా చేసి అరాచక వాతావరణాన్ని సృష్టిస్తుందని అభిప్రాయ‌ప‌డ్డారు.

మౌంట్ బాటన్.. కాంగ్రెస్, ముస్లిం లీగ్ నాయకులతో సుదీర్ఘ చర్చల తర్వాత‌ భారతదేశాన్ని రెండు దేశాలుగా విభజించే ప్రణాళికను సమర్పించారు. భారతదేశ రాజకీయ సమస్యను పరిష్కరించడానికి విభజన చివరి ఎంపిక అని ఆయన పేర్కొన్నారు. ఈ ప్ర‌ణాళిక‌ను 1947 జూలై 18 న బ్రిటిష్ పార్లమెంట్ ఆమోదించింది. దాంతో భార‌త్ రెండుగా విడిపోయి.. పాకిస్తాన్ ఏర్ప‌డింది.