ఎస్ఆర్ కల్యాణమండపం ఫేం కిరణ్ అబ్బవరం (Kiran Abbavaram) హీరోగా నటిస్తోన్న లేటెస్ట్ సినిమా నేను మీకు బాగా కావాల్సిన వాడిని. ఈ మూవీ ట్రైలర్ (Nenu Meeku Baaga Kavalsinavaadini trailer)ను స్టార్ హీరో పవన్ కల్యాణ్ లాంఛ్ చేశాడు. సినిమా మాస్ అండ్ ఫ్యామిలీ ఎంటర్టైనర్గా ఉండబోతున్నట్టు ట్రైలర్తో చెప్పేశాడు డైరెక్టర్.
‘నాలాంటి చాలా మంది తల్లిదండ్రులేమనుకుంటారో తెలుసా..?’ అంటూ డైరెక్టర్ ఎస్వీ కృష్ణారెడ్డి (హీరోయిన్ తండ్రి) తన కూతురుతో చెప్తున్న డైలాగ్స్ తో మొదలైంది ట్రైలర్. ఆ తర్వాత హీరోహీరోయిన్ల ట్రాక్తో ట్రైలర్ సాగుతుంది. కిరణ్, బాబా భాస్కర్, గెటప్ శ్రీను మధ్య వచ్చే సన్నివేశాలు ప్రేక్షకులను ఎంటర్ టైన్ చేయబోతున్నట్టు అర్థమవుతుంది.
ఇక ఈ చిత్రంతో సీనియర్ టాలెంటెడ్ డైరెక్టర్, యాక్టర్ ఎస్వీ కృష్ణారెడ్డి మళ్లీ సిల్వర్ స్క్రీన్పై మెరవబోతున్నట్టు ట్రైలర్తో తెలిసిపోతుంది. కిరణ్ అబ్బవరం మరోవైపు వినరో భాగ్యము విష్ణు కథ సినిమా కూడా చేస్తున్నాడు.
దివంగత దర్శకులు కోడి రామకృష్ణ కూతురు కోడి దివ్య దీప్తి కోడి దివ్య ఎంటర్టైన్ మెంట్స్ బ్యానర్పై ఈ చిత్రాన్ని నిర్మిస్తున్నారు. మణిశర్మ సంగీతం అందిస్తున్నాడు. శ్రీధర్ గాదె డైరెక్ట్ చేస్తున్న ఈ చిత్రం సెప్టెంబర్ 16న ప్రేక్షకుల ముందుకు రానుంది.
Read Also : Hari Hara Veera Mallu | క్రిష్ సినిమాపై ఫోకస్..డేట్స్ కూడా ఇచ్చేసిన పవన్..!