Shankar | శంక‌ర్ కోసం రాంచ‌ర‌ణ్ వెయిటింగ్..కార‌ణ‌మిదే..!

ఇండియన్ 2 (Indian 2), ఆర్‌సీ 15 సినిమాలు ఇప్ప‌టికే షూటింగ్ మొద‌లు పెట్టుకున్నాయి. అయితే చాలా కాలంగా వాయిదా ప‌డ్డ ఇండియ‌న్ 2 షూటింగ్ మ‌ళ్లీ రీసెంట్‌గా సెట్స్ పైకి వెళ్లింది.

September 7, 2022 / 06:55 PM IST

Shankar | శంక‌ర్ కోసం రాంచ‌ర‌ణ్ వెయిటింగ్..కార‌ణ‌మిదే..!

స్టార్ డైరెక్ట‌ర్ శంక‌ర్ (Shankar) ప్ర‌స్తుతం రెండు క్రేజీ ప్రాజెక్టుల‌తో బిజీగా ఉన్న సంగ‌తి తెలిసిందే. క‌మ‌ల్ హాస‌న్ (kamal haasan) న‌టిస్తోన్న ఇండియన్ 2 (Indian 2), రాంచ‌ర‌ణ్ న‌టిస్తోన్న ఆర్‌సీ 15. ఈ రెండు సినిమాలు ఇప్ప‌టికే షూటింగ్ మొద‌లు పెట్టుకున్నాయి. అయితే చాలా కాలంగా వాయిదా ప‌డ్డ ఇండియ‌న్ 2 మ‌ళ్లీ రీసెంట్‌గా సెట్స్ పైకి వెళ్లింది. భారీ బ‌డ్జెట్‌తో తెర‌కెక్కుతున్న ఇండియ‌న్ 2కు సంబంధించి మిగిలిపోయిన భాగాన్ని చిత్రీక‌రించే ప‌నిలో బిజీగా ఉన్నాడు శంక‌ర్.

చెన్నైలోని ప‌ర్రీస్ కార్న‌ర్‌కు స‌మీపంలో వేసిన భారీ సెట్టులో చిత్రీక‌ర‌ణ కొన‌సాగుతుంది. రాంచ‌ర‌ణ్ సినిమా కూడా సెట్స్ పైనే ఉంద‌నే విష‌యం తెలిసిందే. ముందుగా అనుకున్న ప్లాన్ ప్ర‌కారం ఇవాళ ఆర్‌సీ 15 షూటింగ్ రీస్టార్ట్ కావాల్సి ఉంది. అయితే ఇండియ‌న్ 2 వేగంగా పూర్తి చేయాల‌నుకుంటున్న శంక‌ర్ షూటింగ్ షెడ్యూల్‌ను పొడిగించాడ‌ట‌. ఈ నేప‌థ్యంలో రాంచ‌ర‌ణ్ కూడా వెయిట్ చేయాల్సిన ప‌రిస్థితులు ఏర్ప‌డ్డాయి.

మ‌రోవైపు రాంచ‌ర‌ణ్ ఇంకో సినిమా మొద‌లుపెట్టేందుకు చేసే ప్ర‌య‌త్నాలు కూడా ఫ‌లించ‌డం లేద‌ని టాక్ వినిపిస్తోంది.
రాంచ‌ర‌ణ్ ఇత‌ర ద‌ర్శ‌కుల‌తో సంప్ర‌దింపులు జ‌రుపుతున్నా..ఆశించిన స్థాయిలో ఇంట్రెస్టింగ్ స్టోరీలు రావ‌డం లేద‌ట‌. సెట్స్ పైకి వెళ్లాల్సిన చ‌ర‌ణ్‌-గౌత‌మ్ తిన్న‌నూరి ప్రాజెక్టు కూడా నిలిచిపోయింది.

ఇండియన్ 2లో కాజ‌ల్ అగ‌ర్వాల్ (Kajal Agarwal) పీ మేల్ లీడ్ రోల్‌లో న‌టిస్తుండ‌గా..బాబీ సింహా, సిద్దార్థ్, ర‌కుల్ ప్రీత్ సింగ్, ప్రియా భ‌వానీ శంక‌ర్‌, స‌ముద్ర‌ఖ‌ని ఇత‌ర కీల‌క పాత్ర‌లు పోషిస్తున్నారు. లైకా ప్రొడ‌క్ష‌న్స్ తో క‌లిసి రెడ్ జియాంట్ మూవీస్ పై ఉద‌య‌నిధి స్టాలిన్‌-సుభాస్క‌ర‌న్ నిర్మిస్తున్న ఈ చిత్రానికి అనిరుధ్ ర‌విచంద‌ర్ మ్యూజిక్ డైరెక్ట‌ర్‌.