త్వ‌ర‌లో విప‌ణిలోకి జియో 5జీ ఫోన్‌.. ధ‌రెంతంటే?!

త్వ‌ర‌లో విప‌ణిలోకి జియో 5జీ ఫోన్‌.. ధ‌రెంతంటే?! రిల‌య‌న్స్ ఈ నెల 24న జియో 5జీ స్మార్ట్ ఫోన్, లాప్‌టాప్ ఆవిష్క‌రించ‌నున్న‌ద‌ని వార్త‌లు షికారు ...

June 5, 2021 / 08:19 PM IST

న్యూఢిల్లీ: రిల‌య‌న్స్ ఈ నెల 24న జియో 5జీ స్మార్ట్ ఫోన్, లాప్‌టాప్ ఆవిష్క‌రించ‌నున్న‌ద‌ని వార్త‌లు షికారు చేస్తున్నాయి. ఇటీవ‌ల‌ ప్ర‌తియేటా రిల‌య‌న్స్ వార్షిక స‌మావేశంలో నూత‌న ఆవిష్క‌ర‌ణ‌లు వెలుగు చూస్తున్నాయి. దీంతో త్వ‌ర‌లో జ‌రిగే రిల‌య‌న్స్ వార్షిక స‌మావేశంపై అంద‌రి ద్రుష్టి ప‌డింది. సెర్చింజ‌న్ గూగుల్ స‌హ‌కారంతో 5జీ ఫోన్‌ను జియో అభివ్రుద్ధి చేస్తున్న‌ది.

అయితే, 5జీ ఫోన్‌తోపాటు కొన్ని హార్డ్‌వేర్ ఉత్ప‌త్తుల‌ను త్వ‌ర‌లో ఈ నెలాఖ‌రులో జ‌రిగే వార్షిక స‌మావేశంలో ఆవిష్క‌రించ‌వ‌చ్చున‌ని తెలుస్తున్న‌ది. ప్ర‌స్తుతం 5జీ స్మార్ట్ ఫోన్ మార్కెట్ అక‌స్మాత్‌గా పెరుగుతున్న‌ది.

తొలుత హై ఎండ్ స్మార్ట్ ఫోన్ల‌కు ప‌రిమిత‌మైంది మార్కెట్‌. జూన్‌లో ప‌లు మిడ్ రేంజ్ 5జీ స్మార్ట్ ఫోన్లు వెలుగు చూశాయి. చౌక ధ‌ర‌కు స్మార్ట్‌ఫోన్ అందుబాటులోకి తేనున్న‌ట్లు గూగుల్ సీఈవో సుంద‌ర్ పిచ్చాయ్ ఇటీవ‌ల ప్ర‌క‌టించారు.

ఆండ్రాయిడ్ వ‌ర్ష‌న్‌ను గూగుల్ స్రుష్టించిన సంగ‌తి తెలిసిందే. 5జీ జియో ఫోన్ కోసం ప్ర‌త్యేకంగా జియో ఓఎస్ అని పిలుస్తార‌ని తెలుస్తున్న‌ది. ఎల్వీఎఫ్ బ్యాన‌ర్‌లో జియో ఒక స్మార్ట్ ఫోన్‌ను ఆవిష్క‌రించ‌నున్న‌ది.

2.4 అంగుళాల డిస్‌ప్లే, 320ఎక్స్‌, 240ఎక్స్ పిక్సెల్స్ రిజొల్యూష‌న్‌, 512 ఎంబీ ర్యామ్‌, 4జీబీ స్టోరేజీ సామ‌ర్థ్యంతో జియో 5జీ ఫోన్ రావ‌చ్చు. ఖాయి ఓఎస్‌, 2000 ఎంఏహెచ్ బ్యాట‌రీతోపాటు ఫేస్‌బుక్‌, యూ ట్యూబ్‌, వాట్సాప్‌ల‌కు మ‌ద్ద‌తుగా ఉంటుంది. ఈ ఫోన్ ధ‌ర రూ.5000 ఉండొచ్చున‌ని భావిస్తున్నారు.