GATE | నిట్‌లో అన్ని వర్గాల విద్యార్థులకు ‘గేట్‌’ ఉచిత శిక్షణ

GATE | ఉచిత గేట్‌ కోచింగ్‌ క్లాసుల ద్వారా జనరల్‌, ఓబీసీ, ఎస్సీ, ఎస్టీ ఇతర వర్గాలకు చెందిన విద్యార్థులు, అలాగే నిట్‌, వరంగల్‌ పరిసర ప్రాంతాల ఇంజినీరింగ్‌ కాలేజీ విద్యార్థులు ప్రయోజనం పొందవచ్చని నిట్‌ డైరెక్టర్‌ బిద్యాధర్‌ సుబుధి తెలిపారు.

GATE | హనుమకొండ చౌరస్తా, నవంబర్‌ 9: నేషనల్‌ ఇనిష్టిట్యూట్‌ ఆఫ్‌ టెక్నాలజీ(నిట్‌) ఎస్సీ, ఎస్టీ సెల్‌ అధ్యయనార్థం ప్రవేశపెట్టిన ఉచిత గేట్‌ కోచింగ్‌ క్లాసులను ఇప్పుడు అన్ని వర్గాల విద్యార్థులకు అందుబాటులోకి తీసుకువచ్చింది. ఈ కార్యక్రమం ద్వారా జనరల్‌, ఓబీసీ, ఎస్సీ, ఎస్టీ ఇతర వర్గాలకు చెందిన విద్యార్థులు, అలాగే నిట్‌, వరంగల్‌ పరిసర ప్రాంతాల ఇంజినీరింగ్‌ కాలేజీ విద్యార్థులు ప్రయోజనం పొందవచ్చని నిట్‌ డైరెక్టర్‌ బిద్యాధర్‌ సుబుధి తెలిపారు.

ఈ కోచింగ్‌ కార్యక్రమం అన్ని ఇంజినీరింగ్‌ విభాగాలను కవర్‌ చేస్తూ ఈనెల 17 నుంచి జనవరి 9 వరకు వరకు 8 వారాలపాటు కొనసాగుతుందన్నారు. గేట్‌ పరీక్షకు సన్నద్ధమవుతున్న ప్రతి విద్యార్థికి సమాన అవకాశం, నాణ్యమైన మార్గదర్శకత్వం అందించాలనే నిట్‌ సంకల్పాన్ని ఈ విస్తరణ ప్రతిబింబిస్తుందన్నారు. ఆసక్తిఉన్న విద్యార్థులు సూచించిన మార్గదర్శకాలప్రకారం నమోదు చేసుకుని తరగతులను హాజరుకావచ్చన్నారు.

అప్లికేషన్‌ ఫారం, నిబంధనలు, ఇతర వివరాలు వరంగల్‌ నిట్‌ వెబ్‌సైట్‌లోని నోటిఫికేషన్ల విభాగంలో nitw.ac.in వద్ద అందుబాటులో ఉన్నాయని నిట్‌ డైరెక్టర్‌ బిద్యాధర్‌ సుబుధి తెలిపారు.

Read Also :

Anandhi | నేను ఓరుగల్లు పిల్లని.. పుట్టింది, పెరిగింది అంతా వరంగల్‌లోనే!

Earthquake | అండమాన్‌ నికోబార్‌ దీవుల్లో భారీ భూకంపం

Tornado | టోర్న‌డో బీభ‌త్సం.. ఆరుగురు మృతి.. 800 మందికి గాయాలు