మంగళవారం 26 జనవరి 2021
Telangana - Aug 23, 2020 , 12:08:34

మ‌ట్ట‌ప‌ల్లి ఆల‌యంలోకి ప్ర‌వేశించిన‌ కృష్ణా బ్యాక్ వాట‌ర్‌

మ‌ట్ట‌ప‌ల్లి ఆల‌యంలోకి ప్ర‌వేశించిన‌ కృష్ణా బ్యాక్ వాట‌ర్‌

సూర్యాపేట : కృష్ణా న‌దికి వ‌ర‌ద ప్ర‌వాహాలు కొన‌సాగుతున్న విష‌యం తెలిసిందే. ఈ నేప‌థ్యంలో పులిచింత‌ల ప్రాజెక్టు బ్యాక్ వాట‌ర్ సూర్యాపేట జిల్లాలోని మ‌ఠంప‌ల్లి మండ‌లం మ‌ట్ట‌ప‌ల్లిలో గ‌ల ప్ర‌సిద్ధ శ్రీ ల‌క్ష్మీన‌రసింహస్వామి ఆల‌యంలోకి ప్ర‌వేశించింది. ఆల‌య ప్ర‌హ‌రీగోడ‌ల లీకేజీ నుంచి నీళ్లు ఆల‌య ప్రాంగ‌ణంలోకి ప్ర‌వేశించాయి. ఆల‌యంలోకి ప్ర‌వేశించిన నీటిని వెలుప‌లికి పంపేందుకు ఆల‌య అధికారులు మోటారు పంప్‌సెట్ల‌ను ఉప‌యోగిస్తున్నారు. నాగార్జున‌సాగ‌ర్ ప్రాజెక్టు 18 గేట్లు ఎత్తి నీటిని దిగువ‌కు వ‌దులుతున్న నేప‌థ్యంలో పులిచింత‌ల ప్రాజెక్టు నీటి స్థాయిలు పెరిగాయి.

గ‌తేడాది వ‌ర్షాకాలంలో సైతం ఆల‌యం ఇదేవిధంగా నీటిముంపుకు గురైంది. రాజ‌గోపురం వ‌ర‌కు నీళ్లు చేరుకోవ‌డంతో ఆల‌యంలోకి వెళ్ల‌లేని ప‌రిస్థితులు ఏర్ప‌డ్డాయి. దీంతో రాజ‌గోపురం వ‌ద్దే అర్చ‌కులు ఐదు రోజుల‌పాటు పూజ‌లు చేయాల్సి వ‌చ్చింది. వ‌ర‌ద ప్ర‌వాహాలు కొన‌సాగుతుండ‌టంతో పులిచింత‌ల ప్రాజెక్టు 16 గేట్లు ఎత్తి ప్ర‌కాశం బ్యారేజీకి నీళ్లు వ‌దులుతున్నారు. పులిచింత‌ల ప్రాజెక్టుకు ఇన్‌ఫ్లో 3,41,433 క్యూసెక్కులు ఉండ‌గా ఔట్‌ఫ్లో 3,18,066 క్యూసెక్కులుగా కొన‌సాగుతుంది.


logo