Abhishek Sharma : ‘ఐపీఎల్లో ఇంతకు ముందు ఒక లెక్క.. ఇప్పుడు ఒక లెక్క’ అంటూ సన్రైజర్స్ హైదరాబాద్ బ్యాటర్లు ఓ రేంజ్లో దంచుతున్నారు. ఇక ఓపెనర్ అభిషేక్ శర్మ(Abhishek Sharma) అయితే కనికరమే లేదన్నట్టు బౌలర్లను ఊచకోత కోస్తున్నాడు. ఈ ఏడాది టీ20 వరల్డ్ కప్(T20 World Cup) స్క్వాడ్ ఎంపిక నేపథ్యంలో అభిషేక్ ఫిరంగిలా రెచ్చిపోతున్నాడు. ఆసీస్ చిచ్చరపిడుగు ట్రావిస్ హెడ్(Travis Head)తో పోటాపోటీగా సిక్సర్ల మోత మోగిస్తూ హైదరాబాద్ రికార్డు స్కోర్లకు బాటలు వేస్తున్నాడు.
ఢిల్లీ క్యాపిటల్స్పై సంచనల బ్యాటింగ్తో ఆకట్టుకున్న అభిషేక్ మ్యాచ్ అనంతరం తన విజయ రహస్యం చెప్పాడు. హెడ్తో ఓపెనింగ్ ఎంజాయ్ చేస్తున్నాని అన్నాడు. ‘ట్రావిస్ హెడ్ బ్యాటింగ్ చేస్తుంటే చూడడం ఇష్టం. అంతేకాదు ఆట గురించి మేమిద్దరం చాలా విషయాలు మాట్లాడుకుంటా. ఇది మా కాంబో హిట్ అవ్వడానికి నిజంగా చాలా సాయం చేసింది. నేను కలిసి ఆడాలనుకున్న ఆటగాళ్లలో హెడ్ ఒకరు. ఆసీస్ తరఫున మూడు ఫార్మాట్లలో అదరగొడుతున్న హెడ్తో ఇన్నింగ్స్ ఆరంభించడం నిజంగా నా అదృష్టం’ అని అభిషేక్ వెల్లడించాడు. అంతేకాదు పదిహేడో సీజన్ కోసం తానెంత కష్టపడ్డానికి ఈ యంగ్స్టర్ తెలిపాడు.
Abhishek Sharma about Travis head 🗣️ Obviously really joyful to watch him and we’ve been talking a lot off the field and that is really helping. He is someone that I was really looking forward to bat with throughout the season and even the Punjab boys know that I used to really… pic.twitter.com/M9uv8USwa4
— SunRisers OrangeArmy Official (@srhfansofficial) April 21, 2024
‘పదిహేడో సీజన్కు ముందు ఎంతో కష్ట పడ్డా. సయ్యద్ ముస్తాక్ అలీ ట్రోఫీలో రాణించడం ఇప్పుడు ఎంతో ఉపయోగపడుతోంది’ అని అభిషేక్ చెప్పాడు. ఈ సీజన్లో హెడ్, అభిషేక్లు పవర్ ప్లేలో విశ్వరూపం చూపిస్తున్నారు. ఇప్పటివరకూ ఏడు మ్యాచుల్లో 227 రన్స్ కొట్టిన అభిషేక్ ఏకంగా 24 సిక్సర్లు బాదాడు. తొలుత ముంబై ఇండియన్స్(Mumbai Indians)పై 16 బంతుల్లోనే యాభై కొట్టిన ఈ యువకెరటం.. ఆ తర్వాత బెంగళూరుపైనా మోత మోగించాడు.
SRH Notches Up Fourth Consecutive Win!pic.twitter.com/RMRmsHDsKP
— SunRisers OrangeArmy Official (@srhfansofficial) April 21, 2024
ఇక శనివారం ఢిల్లీ క్యాపిటల్స్పై ఈ ఇద్దరి బౌండరీల వానతో హైదరాబాద్ పవర్ ప్లేలో 125 రన్స్తో ఐపీఎల్ రికార్డును బద్ధలు కొట్టింది. హెడ్, అభిషేక్లు తొలి వికెట్కు 131 రన్స్ జోడించగా.. షహ్బాజ్ అహ్మద్(59 నాటౌట్) హాఫ్ సెంచరీతో కదం తొక్కాడు. అనంతరం 267 పరుగుల ఛేదనలో నటరాజన్ విజృంభణతో ఢిల్లీ 199కే కుప్పకూలింది.
Crushing It, Unstoppable!#DCvsSRH #SRH #IPL2024 pic.twitter.com/xucgo1ZT8S
— SunRisers OrangeArmy Official (@srhfansofficial) April 20, 2024
పదకొండు ఏండ్లుగా ఐసీసీ ట్రోఫీ కోసం నిరీక్షిస్తున్న టీమిండియా ఈసారి పొట్టి ప్రపంచకప్పై గురి పెట్టింది. జూన్ 1న ఆరంభమయ్యే ఈ మోగా టోర్నీ కోసం ఏప్రిల్ చివర్లో అజిత్ అగార్కర్ నేతృత్వంలోని సెలెక్టర్లు వరల్డ్ కప్ బృందాన్ని ప్రకటించే చాన్స్ ఉంది. ఆల్రౌండర్గానూ పనికొచ్చే అభిషేక్ ఈసారి టీ20 వరల్డ్ కప్ స్క్వాడ్లో ఉంటాడా? లేదా? చూడాలి.