IPL 2024 : ఒకరి దురదృష్టం మరొకరికి అదృష్టంలా అంటుకుపోతుంది అనే సామెత వినే ఉంటాం. ఈ మాట ఐపీఎల్(IPL 2024) నయా స్టార్ జేక్ ఫ్రేజర్ మెక్గుర్క్(Jake Fraser-McGurk)కు అతికినట్టు సరిపోతుంది. టీ20ల్లో విధ్వంసక ఇన్నింగ్స్లు ఆడుతున్న ఫ్రేజర్ పదిహేడో సీజన్లో వేగవంతమైన అర్ధ శతకంతో చరిత్ర సృష్టించాడు. ఢిల్లీ క్యాపిటల్స్(Delhi Capitals) భవిష్యత్ స్టార్గా ప్రశంసలు అందుకుంటున్న ఈ చిచ్చరపిడుగు అనుకోకుండా ఐపీఎల్ అరంగేట్రం చేశాడు.
పదిహేడో సీజన్ ఆరంభానికి ముందు స్టార్ పేసర్ లుంగి ఎంగిడి గాయం కారణంగా టోర్నీకి దూరమయ్యాడు. దాంతో, అతడి స్థానంలో ఢిల్లీ 22 ఏండ్ల ఫ్రేజర్ను రూ. 50 లక్షలకు తీసుకుంది. అంతే.. ఢిల్లీకి ఓ రక్షకుడు వరంలా దొరికినట్టైంది. ఆడిన మూడు మ్యాచుల్లోనే ఫ్రేజర్ 222.2 స్ట్రయిక్ రేటుతో140 రన్స్ కొట్టి పాంటింగ్, గంగూలీ నమ్మకాన్ని నిలబెట్టాడు.
జేక్ ఫ్రేజర్ మెక్గుర్క్
ఈ ఏడాది ఆస్ట్రేలియా జెర్సీ వేసుకున్న ఫ్రేజర్.. తొలి మ్యాచ్లోనే తన ప్రతాపం చూపించాడు. వెస్టిండీస్పై దుమ్మరేపి ఔరా అనిపించాడు. పొట్టి ఫార్మాట్కు పక్కాగా సరిపోయే ఫ్రేజర్ ఢిల్లీ మేనేజ్మెంట్ దృష్టిలో పడ్డాడు. ఇంకేముంది గాయపడిని ఎంగిడి స్థానంలో ఈ ఆసీస్ స్టార్తో అగ్రిమెంట్ కుదుర్చుకుంది. తొలి మ్యాచ్లో నిరాశపరిచన ఫ్రేజర్.. రెండో మ్యాచ్లో లక్నో సూపర్ జెయింట్స్పై శివాలెత్తిపోయాడు. ఆర్ధ శతకంతో అజేయంగా నిలిచి ఢిల్లీని గెలిపించాడు.
Fraser keep smacking them…💥🤯 pic.twitter.com/jlGCGO0gDF
— Delhi Capitals (@DelhiCapitals) April 20, 2024
ఒక్క మ్యాచ్తోనే తన పరుగుల దాహం తీరలేదని నిరూపిస్తూ గుజరాత్పై, సన్రైజర్స్ హైదరాబాద్పై ఉప్పెనలా విరుచుకుపడ్డాడు. హైదరాబాద్ స్పిన్నర్ వాషింగ్టన్ సుందర్ ఓవర్లో వరుసగా 4, 4, 6, 4, 6, 6 బాది 15 బంతుల్లోనే ఫిఫ్టీతో రికార్డు సృష్టించాడు. దాంతో, 16 బంతుల్లో యాభై కొట్టిన హైదరాబాద్ ఓపెనర్లు ట్రావిస్ హెడ్, అభిషేక్ శర్మలు రెండో స్థానానికి పడిపోయారు.
𝐇𝐞 𝐢𝐬 𝐣𝐮𝐬𝐭 𝟐𝟐. 𝐇𝐞 𝐢𝐬 𝐣𝐮𝐬𝐭 𝐠𝐞𝐭𝐭𝐢𝐧𝐠 𝐬𝐭𝐚𝐫𝐭𝐞𝐝 🔥 pic.twitter.com/qAZpibctgh
— Delhi Capitals (@DelhiCapitals) April 20, 2024
అంతేనా.. అభిషేక్ పొరెల్తో కలిసి 84 రన్స్ జోడించి ఢిల్లీని పోటీలోకి తెచ్చాడు. భారీ ఛేదనలో పంత్ సేన ఓడిపోయినా.. ఢిల్లీకి ఫ్రేజర్ రూపంలో ఓ రక్షకుడు దొరికాడు. ఈ యువకెరటం తర్వాతి ఢిల్లీని ఒంటిచేత్తో గెలిపించినా ఆశ్చర్యపోవాల్సిందేమీ లేదు. తదుపరి మ్యాచ్లో భాగంగా ఏప్రిల్ 24న గుజరాత్ టైటాన్స్తో ఢిల్లీ తలపడనుంది.
Time to pick ourselves up and make a comeback at Kotla on Wednesday. pic.twitter.com/Z7I5Gqn96X
— Delhi Capitals (@DelhiCapitals) April 20, 2024