IND vs NZ | తొలి టీ20లో ఓటమి చవిచూసిన టీమిండియా ఎలాగైనా గెలవాలని కసిగా ఆడుతోంది. పకడ్బందీ బౌలింగ్తో కివీస్ బ్యాటర్లను కట్టుదిట్టం చేస్తోంది. దీంతో వికెట్లను కాపాడుకుంటూ పరుగులు చేయడంలో న్యూజిలాండ్ తడబడుతోంది. ఫలితంగా 13 ఓవర్లు కూడా కాకముందే సగం వికెట్లను కోల్పోయింది.
టాస్ గెలిచి బ్యాటింగ్కు దిగిన న్యూజిలాండ్ను ఫస్ట్ ఓవర్ నుంచే టీమిండియా కట్టుదిట్టం చేస్తోంది. దీంతో కివీస్ వరుసగా వికెట్లను చేజార్చుకుంది. 3.3 ఓవర్ల వద్ద తొలి వికెట్ ఫిన్ అలెన్ ( 11) ను కోల్పోయిన కివీస్.. ఆ వెంటనే డేవన్ కాన్వే (11)ను వికెట్ కూడా పోగొట్టుకుంది. ఆ తర్వాత గ్లెన్ ఫిలిప్స్ (5), డారిల్ మిచెల్ (8), మార్క్ చాప్మన్ (14) కూడా భారత బౌలర్ల ధాటికి క్రీజులో నిలబడలేకపోయారు. ఫలితంగా 13 ఓవర్లు ముగిసేలోపే ఐదు వికెట్లు కోల్పోయింది. ప్రస్తుతం 14 ఓవర్లకు ఐదు వికెట్లు కోల్పోయిన కివీస్.. 67 పరుగులు చేసింది. క్రీజులో బ్రాస్వెల్ (7), శాంటర్న్ (5) ఉన్నారు.
Novok Djokovic | జొకోవిచ్ దస్ కా దమ్.. పదోసారి ఆస్ట్రేలియా ఓపెన్ కైవసం
Shefali Verma | నాకు బర్త్ డే గిఫ్ట్గా వరల్డ్ కప్ ట్రోఫీ కావాలి : షెఫాలీ వర్మ