కాంగోలో ఉగ్ర‌ దాడి, 39 మంది మృతి

డెమొక్రటిక్ రిపబ్లిక్ ఆఫ్ కాంగోలో ఉగ్రవాదులు రెచ్చిపోయారు. బాంబులు, తుపాకుల‌తో విరుచుకుప‌డ‌టంతో దాదాపు 39 మంది మరణించినట్లు స‌మాచారం.

May 31, 2021 / 09:01 PM IST

కిన్షాసా : డెమొక్రటిక్ రిపబ్లిక్ ఆఫ్ కాంగోలో ఉగ్రవాదులు రెచ్చిపోయారు. బాంబులు, తుపాకుల‌తో విరుచుకుప‌డ‌టంతో దాదాపు 39 మంది మరణించినట్లు స‌మాచారం. కాంగో తూర్పు చివరన ఉన్న బోగా, తచాబీ గ్రామాలలో ఈ ఉగ్ర‌దాడి జరిగింది. ఈ దాడికి ఇస్లామిక్ స్టేట్‌తో సంబంధం ఉన్న ఉగ్రవాద సంస్థగా కాంగో ఉన్నతాధికారులు అనుమానిస్తున్నారు.

శిబిరాల్లో నివసిస్తున్న ప్రజలపై ఈ దాడి జరిగిందని ఒక వార్తా సంస్థ ధ్రువీకరించింది. ఈ దాడిలో మరణించిన మొత్తం 39 మందిలో ఇప్పటివరకు 36 మంది మృతదేహాలను వెలికి తీసిన‌ట్లు స‌మాచారం. ఉత్తర కివు ప్రావిన్స్-ఇటురి మధ్య సుమారు 10 కిలోమీటర్ల దూరం ఉన్న‌దని, రెండు ప్రాంతాలలో ఎప్పుడూ ఉద్రిక్తత‌లు ఉంటాయ‌ని అధికారులు చెబుతున్నారు.

కాంగో తూర్పు చివరను ఆక్రమించిన 122 మంది ఉగ్రవాదుల ఏడీఎఫ్‌ చాలా ఘోరమైన సమూహంగా అంచనా వేయబడింది. వాస్తవానికి, ఈ ప్రాంతం ఖనిజాలతో నిండి ఉన్న‌ది. ఈ కారణంగా ఈ స్థలం గురించి అనేక వివాదాలు ఉన్నాయి. 1996-2003 మధ్య రెండు ప్రాంతీయ యుద్ధాలు కూడా జరిగాయి. ఉత్త‌ర‌ కివులోని బెని ప్రాంతంలో 2019 నవంబర్ నుంచి ఇప్పటి వరకు 1228 మంది అమాయకులు ప్రాణాలు కోల్పోయారని ఎన్జీఓ కేఎస్టీ అంచనా వేసింది.