Visit:
తిరువనంతపురం: మహిళా ఎమ్మెల్యేను బహిరంగంగా కౌగిలించుకునేందుకు కాంగ్రెస్ సీనియర్ నేత ప్రయత్నించారు. ఈ నేపథ్యంలో ఆమె ఇబ్బందిపడటంతో పాటు ఆయనను తోసి ముందుకు వెళ్లారు. ఈ వీడియో క్లిప్ సోషల్ మీడియాలో వైరల్ అయ్యింది. (Cherian Philip) కేరళం అసెంబ్లీ ఎన్నికల్లో కాంగ్రెస్ పార్టీ నేతృత్వంలోని యూడీఎఫ్ తిరిగి అధికారం దక్కించుకున్నది. ఈ నేపథ్యంలో తిరువనంతపురంలోని కేపీసీసీ ప్రధాన కార్యాలయంలో గురువారం పార్టీ సమావేశం జరిగింది.
కాగా, ఎన్నికల్లో ఎమ్మెల్యేగా గెలిచిన బిందు కృష్ణ, కీలక శాసనసభా పక్ష సమావేశానికి హాజరయ్యేందుకు కేపీసీసీ ప్రధాన కార్యాలయానికి చేరుకున్నారు. ప్రాంగణంలోకి ప్రవేశించిన ఆమె చేతులు జోడించి అక్కడున్న నేతలకు నమర్కించారు.
మరోవైపు అక్కడున్న కాంగ్రెస్ సీనియర్ నేత చెరియన్ ఫిలిప్ అందరి ముందు అసభ్యకరంగా ప్రవర్తించారు. బిందు కృష్ణ వద్దకు వచ్చి ఆమెను కౌగిలించుకునేందుకు ఆయన ప్రయత్నించారు. దీంతో ఆమె కాస్త ఇబ్బందికి గురయ్యారు. చెరియన్ ఫిలిప్ను పక్కకు తోసి ముందుకు వెళ్లారు.
అయితే కాంగ్రెస్ పార్టీ నాయకులు, మీడియా సిబ్బంది సమక్షంలో ఈ సంఘటన జరిగింది. దీంతో ఈ వీడియో క్లిప్ సోషల్ మీడియాలో వైరల్ అయ్యింది. ఈ నేపథ్యంలో కాంగ్రెస్ నేత చెరియన్ ఫిలిప్ తీరుపై విమర్శలు వెల్లువెత్తాయి.
A video from the Kerala Pradesh Congress Committee headquarters in Thiruvananthapuram has gone viral after Cherian Philip allegedly attempted to hug newly elected Kollam MLA Adv. Bindu Krishna despite her apparent reluctance during a legislative party meeting.
The viral video… pic.twitter.com/UhURpa80Qz
— Hate Detector 🔍 (@HateDetectors) May 7, 2026
