అహ్మదాబాద్‌లో కుప్ప‌కూలిన ఐదంతస్థుల భవనం.. వీడియో

గ‌త రెండు రోజులుగా తౌటే త‌ఫాను కార‌ణంగా గుజ‌రాత్‌లోని ప‌లు ప్రాంతాలు క‌కావిక‌ల‌మ‌య్యాయి. అహ్మ‌దాబాద్‌ జమాల్పూర్ ప్రాంతంలో బుధవారం ఓ ఐదంత‌స్థుల‌ భవనం కుప్ప‌కూలిపోయింది.

May 19, 2021 / 09:32 PM IST

అహ్మదాబాద్‌లో కుప్ప‌కూలిన ఐదంతస్థుల భవనం.. వీడియో

అహ్మదాబాద్ : గ‌త రెండు రోజులుగా తౌటే త‌ఫాను కార‌ణంగా గుజ‌రాత్‌లోని ప‌లు ప్రాంతాలు క‌కావిక‌ల‌మ‌య్యాయి. అహ్మ‌దాబాద్‌ జమాల్పూర్ ప్రాంతంలో బుధవారం ఓ ఐదంత‌స్థుల‌ భవనం కుప్ప‌కూలిపోయింది. ఈ ఘ‌ట‌న‌లో ఎవ‌రికీ ఎలాటి న‌ష్టం జ‌రుగ‌లేదు. ఘ‌ట‌న జ‌రుగ‌డానికి ముందే నివాసితులంతా బయటికి వెళ్లిపోవ‌డంతో పెద్ద ప్ర‌మాదం త‌ప్పిన‌ట్ల‌యింది.

తౌటే తుఫాను కారణంగా బలమైన గాలుల వీయ‌డంతో జ‌మాల్పూర్‌లోని ఓ నివాస భ‌వంతి కూలిపోయింది. ఏక‌ధాటిగా కురుస్తున్న వ‌ర్షాల‌తో భ‌వ‌నం మొత్తం నానిపోయి కూలిపోయేందుకు సిద్ధ‌మైంద‌ని స్థానికులు గుర్తించారు. దాంతో భ‌వ‌నంలో నివ‌సిస్తున్న అంద‌రినీ బ‌య‌ట‌కు తరలించారు. అంద‌రూ బ‌య‌ట‌కు వెళ్లిన కొద్దిసేప‌టికే భ‌వ‌నం కుప్ప‌కూలిపోయింది. దాంతో ఎటువంటి ప్రాణనష్టం లేదా గాయాలు సంభవించలేదు.

కాగా, గిర్ సోమనాథ్ జిల్లాలోని డియూ, ఉనా పట్టణం మధ్య మంగళవారం తెల్లవారుజామున కొండచరియలు విరిగిపడ్డాయి. గుజరాత్‌లో తుఫాను సంబంధ ఘటనల్లో ఇప్ప‌టివ‌ర‌కు 45 మంది ప్రాణాలు కోల్పోయారు. ఈ తుఫాను తీర ప్రాంతాలను తీవ్రంగా ధ్వంసం చేసింది. 69,000 విద్యుత్ స్తంభాలు, చాలా చెట్లు కూలిపోయాయి. వేలాది ఇండ్లు దెబ్బతిన్నాయి. చాలా ప్రాంతాల్లో పంటలు కూడా తీవ్రంగా దెబ్బతిన్నాయి. నష్టాలపై ప్రభుత్వం సర్వే చేస్తుందని, తదనుగుణంగా సహాయం అందిస్తామని ముఖ్యమంత్రి విజయ్ రూపానీ రాష్ట్ర‌ పౌరులకు హామీ ఇచ్చారు.