తుఫాను బాధిత ప్రజలకు అండగా ఉండాలి : రాహుల్‌

తుఫాను బాధిత ప్రజలకు అండగా ఉండాలి : రాహుల్‌ | యాస్‌ తుఫాను నేపథ్యంలో బాధిత ప్రాంతాల ప్రజలకు అండగా ఉండాలని కాంగ్రెస్‌ నేత రాహుల్‌ గాంధీ పార్టీ శ్రేణులకు పిలుపునిచ్చారు.

న్యూఢిల్లీ : యాస్‌ తుఫాను నేపథ్యంలో బాధిత ప్రాంతాల ప్రజలకు అండగా ఉండాలని కాంగ్రెస్‌ నేత రాహుల్‌ గాంధీ పార్టీ శ్రేణులకు పిలుపునిచ్చారు. ప్రజలకు అన్ని విధాలా సహాయ సహకారాలు అందించాలని, భద్రత కల్పించాలని కార్యకర్తలకు సూచించారు. తుఫాను తీరానికి చేరుతున్న నేపథ్యంలో.. ప్రజలు అప్రమత్తంగా ఉండాలని ట్విట్టర్‌ ద్వారా సూచించారు. బంగాళాఖాతంలో ఏర్పడిన అతి తీవ్ర తుఫానుగా మారుతుందని ఐఎండీ హెచ్చరించింది. ఈ నెల 26న ఒడిశాలోని బాలాసోర్‌ వద్ద తీరం దాటుతుందని పేర్కొంది. దీని ప్రభావంతో ఒడిశా, బెంగాల్‌లో ఇప్పటికే పలు చోట్ల వర్షాలు కురుస్తున్నాయి. 26, 27 తేదీల్లో అసోం, మేఘాలయలోనూ భారీ వర్షాలు కురుస్తాయని ఐఎండీ అంచనా వేసింది. యాస్‌ తుఫాను ప్రభావిత ప్రాంతాల్లో ఎన్‌డీఆర్‌ఎఫ్‌ బృందాలను తరలించారు. బెంగాల్‌ ఇప్పటికే 35 బృందాలను మోహరించారు. అలాగే తమిళనాడు, ఏపీ, అండమాన్‌ నికోబార్‌ దివులకు సైతం బృందాలను తరలించినట్లు ఎన్‌డీఆర్‌ఎఫ్‌ డైరెక్టర్‌ జనరల్‌ (డీజీ) ఎస్‌ఎన్‌ ప్రధాన్‌ పేర్కొన్నారు. తుఫానును దృష్టిలో పెట్టుకొని తూర్పు రైల్వే ఈ నెల 24 నుంచి 29 తేదీల మధ్య 25 రైళ్లను రద్దు చేసింది.

ఇవి కూడా చదవండి..

Missing: బార్బుడాలో క‌న్పించ‌కుండా పోయిన మోహుల్ చోక్సీ

ఆచార్య త‌ర్వాత లాంగ్ గ్యాప్ తీసుకోనున్న చిరంజీవి..!

మాలి అధ్యక్షుడు సహా ప్రధానిని అరెస్టు చేసిన సైన్యం

దేశంలో 19.84 కోట్ల టీకాల పంపిణీ

సీలేరు నదిలో నాటుపడవల మునక.. ఒకరి మృతి.. 8 మంది గల్లంతు

మరోసారి పెరిగిన పెట్రోల్‌, డీజిల్‌ ధరలు.. ఈ నెలలో 13వ సారి పెంపు

చిత్తూరు జిల్లాలో విషాదం.. చెరువులో మూడు మృతదేహాలు

దేశంలో భారీగా తగ్గిన కరోనా కేసులు.. 24 గంటల్లో 1.96లక్షల కేసులు

రాబోయే 12 గంటల్లో అతి తీవ్ర తుఫానుగా ‘యాస్‌’