Watch: రైలు ఇంజిన్‌లో చిక్కుకున్న నెమలి.. తర్వాత ఏం జరిగిందంటే?

Peacock Trapped In Train Engine | ప్యాసింజర్ రైలు ఇంజిన్‌లో నెమలి చిక్కుకున్నది. ఒక రైల్వే స్టేషన్‌లో దీనిని గమనించారు. దీంతో స్థానికులతో కలిసి రైల్వే పోలీసులు ఆ నెమలిని సురక్షితంగా బయటకు తీసి రక్షించారు. ఈ వీడియో క్లిప్‌ సోషల్‌ మీడియాలో వైరల్‌ అయ్యింది.

ముంబై: ప్యాసింజర్ రైలు ఇంజిన్‌లో నెమలి చిక్కుకున్నది. ఒక రైల్వే స్టేషన్‌లో దీనిని గమనించారు. దీంతో స్థానికులతో కలిసి రైల్వే పోలీసులు ఆ నెమలిని సురక్షితంగా బయటకు తీసి రక్షించారు. ఈ వీడియో క్లిప్‌ సోషల్‌ మీడియాలో వైరల్‌ అయ్యింది. (Peacock Trapped In Train Engine) మహారాష్ట్రలోని బుల్దానా జిల్లాలో ఈ సంఘటన జరిగింది. భూసావల్-బద్నేరా ప్యాసింజర్ రైలు ఇంజిన్‌ కప్లింగ్ డెక్‌లో ఒక నెమలి చిక్కుకున్నది. షేగావ్ స్టేషన్‌కు ఆ రైలు చేరుకోగా ఇంజిన్‌ ముందు భాగంలో గట్టిగా ఇరుక్కుపోయి బాధపడుతున్న ఆ పక్షిని రైల్వే సిబ్బంది గుర్తించారు. ఆ వెంటనే ప్రభుత్వ రైల్వే పోలీసులను అలెర్ట్‌ చేశారు.

కాగా, రైల్వే పోలీసులు, స్థానికులతో కలిసి రెస్క్యూ ఆపరేషన్‌ చేపట్టారు. రైలు ఇంజిన్‌లో చిక్కుకున్న నెమలికి ఎలాంటి హాని జరుగకుండా మెల్లగా బయటకు తీశారు. ఆ తర్వాత దానిని అటవీ ప్రాంతంలో వదిలేసేందుకు వన్యప్రాణి సిబ్బందికి అప్పగించారు. అనంతరం ఆ ప్యాసింజర్‌ రైలు ఆ స్టేషన్‌ నుంచి బయలుదేరింది.

మరోవైపు రైలు ఇంజిన్‌ ముందు భాగంలో చిక్కుకున్న నెమలిని రక్షించిన వీడియో క్లిప్‌ సోషల్‌ మీడియాలో వైరల్‌ అయ్యింది. దీంతో జాతీయ పక్షిని కాపాడిన రైల్వే, జీఆర్‌పీ సిబ్బందితో పాటు స్థానికులను పలువురు నెటిజన్లు ప్రశంసించారు.

Poor peacock stuck in MEMU train rescued. Caught in the coupling deck of the Bhusaval-Badnera train, was taken out at Shegaon station. pic.twitter.com/6zdOpKwk9W

— Rajendra B. Aklekar (@rajtoday) July 1, 2026